लाडकी बहीण योजनेच्या लाभार्थ्यांना डिसेंबर आणि जानेवारीच्या हप्त्याची प्रतिक्षा आहे. महिलांना योजनेचा हप्ता कधी मिळणार असा प्रश्न पडला आहे. दरम्यान, केवायसी प्रक्रिया पूर्ण झाल्यानंतर महिलांना पैसे मिळतील, अशी अपेक्षा होती. दरम्यान, आता योजनेत केवायसी करण्याची मुदतदेखील संपली आहे तरीही महिलांना पैसे मिळाले नाहीत. त्यामुळे आता हप्ता कधी येणार असा प्रश्न पडला आहे.

केवायसी केली, जानेवारीचा हप्ता कधी येणार? (Ladki Bahin Yojana eKYC Done When will January Installment come)

राज्य सरकारने लाडक्या बहि‍णींना केवायसी अनिवार्य केले होते. केवायसी केल्यानंतर फक्त पात्र लाभार्थी महिलांनाच योजनेचा लाभ मिळणार आहे. या योजनेत केवायसी केल्यानंतरही अजूनही पैसे जमा झाले नाहीत, त्यामुळे महिलांच्या मनात निराशा निर्माण झाली आहे.

लाडकी बहीण योजनेत केवायसी करण्याची शेवटची तारीख ३१ डिसेंबर २०२५ होती. यानंतर महिलांना केवायसी करता येणार नाही, याबाबत आदिती तटकरेंनी ट्विट करत माहिती दिली होती. केवायसीमध्ये फक्त महिला नव्हे तर त्यांच्या पती आणि वडिलांचीही केवायसी करणे अनिवार्य केले होते. आता यापुढे दरवर्षी योजनेच्या लाभार्थ्यांना केवायसी करावी लागणार आहे. जर केवायसी केली नाही तर योजनेचा लाभ बंद होणार आहे.

३० लाख महिलांचा लाभ बंद (30 Lakh Women Will not Get Benefit of Ladki Bahin Yojana)

जवळपास ३० लाख महिलांनी मुदतीपूर्वी केवायसी केली नसल्याची माहिती समोर आली आहे. त्यामुळे या महिलांना यापुढे योजनेचा लाभ मिळणार नाहीये. त्यामुळे आता डिसेंबर-जानेवारीचा हप्ता या महिलांना मिळणार की नाही, याकडे सर्वांचेच लक्ष लागले आहे. दरम्यान,केवायसी केलेल्या महिलांपैकीही फक्त पात्र महिलांना योजनेचा लाभ मिळणार आहे.