लाडकी बहीण योजनेच्या लाभार्थ्यांना ईकेवायसी करणे अनिवार्य केले आहे. ई केवायसी करुनदेखील महिलांना डिसेंबरचा हप्ता मिळालेला नाही. यामुळे महिलांच्या मनात संभ्रम निर्माण झाला आहे. याचसोबत अनेक महिलांनी तांत्रिक अडचणींमुळे, ओटीपी आणि वेबसाइटवर एरर येत असल्याने केवायसी केले नाही.या महिलांचा लाभ तर बंद झालाच आहे. परंतु ज्या महिला पात्र आहेत आणि केवायसी केले नाही त्यांचा लाभ बंद झाला आहे. दरम्यान, आता केवायसीमध्ये दुरुस्ती करण्याचा पर्याय उपलब्ध करुन दिला जाणार आहे.

केवायसीमधील चुकीमुळे लाभ बंद

लाडकी बहीण योजनेत केवायसीमध्ये प्रश्नांची चुकीची उत्तरे दिल्यामुळे महिलांचे लाभ बंद झाले आहेत. याचसोबत ज्या महिला खरंच निकषांमध्ये बसतात त्यांनाच योजनेचा लाभ मिळणार आहे. राज्यातील जवळपास २५ लाख महिला केवायसी करु शकले नाहीत. त्यांचाही लाभ बंद केला गेला आहे. मात्र, केवायसीमध्ये चुक झालेल्या महिलांना ही चुकी सुधारण्याची संधी मिळणार आहे.

नवीन केवायसी प्रोसेस

लाडकी बहीण योजनेत केवायसीमध्ये माहिती चुकलेल्या महिलांची प्रत्यक्ष पडताळणी केली जाणार आहे. अंगणवाडी सेविका महिलांची पडताळणी करणार आहे. अनेक महिलांनी शासकीय नोकरदार असल्याचा पर्याय निवडला आहे. याची प्रत्यक्ष पडताळणी केली जाणार आहे. वस्तुस्थिती तपासून महिलांना ई केवायसीसाठी संधी दिली जाणार असल्याचे सूत्रांनी सांगितले आहे.

ई केवायसी करताना शासकीय नोकरदार पर्याय निवडल्याने महिलांना योजनेचा लाभ मिळू शकला आहेत. आता शासन स्तरावरुन दुरुस्तीची संधी मिळणार आहे. यासंदर्भातील निर्णय लवकरच होईल. चूक दुरुस्तीनंतर महिलांचा लाभ सुरु होईल. ई केवायसी करायची राहिलेल्या महिलांसाठीही आचारसंहितेनंतर सकारात्म निर्णय होऊ शकतो, असं वैशाली भोसले, प्रभारी जिल्हा महिला व बालविकास अधिकारी, सोलापूर यांनी सांगितलं आहे. याबाबत सकाळने वृत्त दिले आहे.