डिसेंबर महिना जवळपास संपला आहे. डिसेंबर महिन्यात अनेक महत्त्वाची कामे करण्याची शेवटची तारीख आहे. त्यातील एक काम म्हणजे लाडकी बहीण योजनेची केवायसी. लाडकी बहीण योजनेत केवायसी करण्यासाठी ३१ डिसेंबरपर्यंत शेवटची तारीख आहे. दरम्यान, अजूनही अनेक लाडक्या बहि‍णींनी केवायसी केली नाही. त्यामुळे आता मुदतवाढ मिळणार का असा प्रश्न विचारला जात आहे.

लाडकीला केवायसीसाठी मुदतवाढ मिळणार (Ladki Bahin Yojana KYC Deadline Extended)

मिळालेल्या माहितीनुसार, लाडकी बहीण योजनेतील ४५ लाख महिलांनी अजूनही केवायसी केलेले नाही. त्यामुळे त्यांना ३१ जानेवारीपर्यंत मुदतवाढ मिळणार आहे. याबाबत लवकरच अधिकृतपणे घोषणा केली जाईल.

दोन महिन्याला लाभ एकत्र येणार (Ladki Bahin Yojana November-December Installment May Come Together)

मुख्यमंत्री लाडकी बहीण योजनेत अजूनही ३५ टक्के लाभार्थ्यांचे केवायसी करायचे बाकी आहे. केवायसीसाठी दोन दिवसांची मुदत आहे. पुढे लाभार्थ्यांना अजून मुदतवाढ मिळेल. तर लाभार्थी महिलांना नोव्हेंबर-डिसेंबरचा हप्ता एकत्र वितरित केला जाऊ शकतो, असं किरण जाधव, सोलापूरचे जिल्हा महिला व बालविकास अधिकारी यांनी सकाळ माध्यमाला माहिती दिली आहे. त्यानुसार आता केवायसीसाठीच्या मुदतवाढीची लवकरच घोषणा केली जाईल.

पती आणि वडिलांचेही केवायसी अनिवार्य

याचसोबत ज्या महिलांचे पती-वडील हयात नाही अशा महिलांचीही माहिती जमा केली जाणार आहे. जेणेकरुन त्यांचे केवायसी पूर्ण होईल. लाडकी बहीण योजनेत केवायसीसाठी फक्त महिलाच नव्हे तर त्यांच्या पती आणि वडिलांचेही केवायसी केले जात आहे. जेणेकरुन त्यांच्या उत्पन्नाची माहिती समजेल. यामुळे अडीच लाखांपेक्षा जास्त उत्पन्न असलेल्या महिलांचा लाभ बंद होईल.