नोव्हेंबर महिना संपून आता डिसेंबर सुरु झाला आहे. दरम्यान, अजूनही लाडकी बहीण योजनेच्या हप्त्याबाबत कोणतीही घोषणा झालेली नाही. नोव्हेंबरचा आणि डिसेंबरचा हप्ता कधी येणार असा प्रश्न विचारला जात आहे. नोव्हेंबरचा हप्ता लांबणीवर गेला आहे. परंतु डिसेंबरचा हप्ता तर याच महिन्यात येणार का असा संभ्रम महिलांच्या मनात निर्माण झाला आहे.

डिसेंबरचा हप्ता कधी येणार? (Ladki Bahin Yojana December Installment)

लाडकी बहीण योजनेत महिलांना नोव्हेंबर आणि डिसेंबरचा हप्ता एकत्र येण्याची शक्यता वर्तवली जात आहे. याबाबत कोणतीही अधिकृत माहिती समोर आलेली नाही. डिसेंबरचा हप्ता कदाचित नगरपरिषदेच्या निवडणुकीनंतर येऊ शकतो. याबाबत आदिती तटकरे लवकरच माहिती देतील.

लाडक्या बहि‍णींना केवायसी अनिवार्य (Ladki Bahin Yojana KYC Update)

लाडकी बहीण योजनेत महिलांना केवायसी करणे अनिवार्य केले आहे. जर तुम्ही केवायसी केले नाही तर योजनेचा लाभ मिळणार आहे. केवायसी करण्यासाठी ३१ डिसेंबरपर्यंत मुदत आहे. जर तुम्ही त्याआधी केवायसी केली नाही तर तुम्हाला त्यापुढचे हप्ते मिळणार नाहीत. त्यामुळे लाभार्थी महिलांनी लवकरात लवकर ऑनलइन पद्धतीने केवायसी करावे.

लाडकी बहीण योजना बंद होणार नाही

लाडकी बहीण योजना बंद होईल, अशी टीका विरोधकांकडून केली जात होती. परंतु आता ही योजना बंद होणार नसल्याचे सरकारने स्पष्ट केले आहे. काल रविंद्र चव्हाण यांनी सांगितले की, देवेंद्र फडणवीस मुख्यमंत्री असेपर्यंत लाडकी बहीण योजना बंद होणार नाही.