लाडकी बहीण योजनेच्या लाभार्थ्यांचे टेन्शन वाढवणारी बातमी समोर आली आहे. लाडक्या बहि‍णींच्या खात्यात डिसेंबरचा हप्ता जमा झाला आहे. परंतु सरसकट सर्व महिलांना पैसे मिळाले नाहीत. काही लाडक्या बहि‍णींना डिसेंबरचे १५०० रुपये मिळाले नाहीत. त्यामुळे महिलांच्या मनात अनेक प्रश्न निर्माण झाले आहे. डिसेंबरचा हप्ता ज्या महिलांना मिळाला नाही त्यांच्या मनात नाराजी निर्माण झाली आहे. दरम्यान, लाडकी बहीण योजनेत महिलांना पैसे का मिळाले नाही यामागे अनेक कारणे असू शकतात.

या लाडक्या बहि‍णींना मिळाले नाहीत ₹१५००

लाडकी बहीण योजनेत महिलांना केवायसी करणे अनिवार्य केले होते. केवायसी न केल्यास महिलांना पैसे मिळणार नाही, असं सांगितलं होतं. दरम्यान, आता ज्या महिलांनी केवायसी केली नाही अशा काही महिलांच्या खात्यात अजूनही पैसे जमा झालेले नाहीत. नवीन आर्थिक वर्षापासून केवायसी न केलेल्या महिलांना पैसे मिळणार नाहीत, असं सांगितलं होतं. मात्र, आतापासून पैसे मिळत नसल्याने महिलांच्या मनात संभ्रम निर्माण झाला आहे.

लाडक्या बहिणींना डिसेंबरचा हप्ता न मिळण्यामागचे कारण (Ladki Bahin Yojana These Women will not get benefit Know the reason)

लाडकी बहीण योजनेत केवायसी केलेल्या महिलांमध्येही ज्या निकषामध्ये बसतात त्यांनाच योजनेचा लाभ मिळणार आहे. त्यामुळे ज्या महिलांच्या कुटुंबाचे उत्पन्न २.५ लाखांपेक्षा जास्त आहे त्यांचा लाभ बंद केला आहे. याचसोबत ज्या महिला वयोमर्यादेत बसत नाही त्यांचाही लाभ बंद केला जाणार आहे. त्यामुळे काही महिलांना १५०० रुपये मिळाले आहेत तर काही महिलांना पैसे मिळाले नाहीत.