लाडकी बहीण योजनेत महिलांना जुलैचा हप्ता देण्यात आला आहे. लाडकी बहीण योजनेतून अनेक महिलांचे अर्ज बाद केले आहेत.अमरावतीत जवळपास ६१ हजार लाडक्या बहि‍णींना रक्षाबंधनाची भेट मिळाली नाही. त्यामुळे काही लाडक्या बहि‍णींमध्ये नाराजी निर्माण झाली आहे. निकषांबाहेर जाऊन अर्ज करणाऱ्या महिलांचे अर्ज बाद केले आहेत.

लाडक्या बहिणींना मिळाला नाही जुलैचा लाभ (These Women Not Get July Month Benefit)

एकाच कुटुंबातील दोन पेक्षा जास्त लाभार्थी असेल तर तुम्हाला या योजनेचा लाभ मिळालेला नाही. जास्त उत्पन्न असलेल्या कुटुंबातील लाडक्या बहि‍णींना फटका बसणार आहे. वयोमर्यादेतदेखील न बसणाऱ्या महिलांनाही योजनेचा लाभ मिळाला नाही. अमरावती जिल्ह्यात जवळपास एकाच कुटुंबात दोनपेक्षा जास्त महिलांची संख्या ४८ हजार झाले आहेत.

अमरावतीसह अनेक जिल्ह्यातील हजारो महिलांचे अर्ज बाद केले आहेत. रक्षाबंधनाची भेट हजारो लाडक्या बहि‍णींना मिळाली नाही. दरम्यान, अजूनही महिलांच्या अर्जांची पडताळणी सुरु आहे. यातून अजून महिला बाद होण्याची शक्यता आहे. अंगणवाडी सेविका महिलांच्या घरोघरी जाऊन पडताळणी करणार आहे. यातून ज्या महिला निकषांबाहेर जाऊन अर्ज केले आहेत त्यांचे अर्ज बाद केले जाणार आहेत.

लाडकी बहीण योजनेचे निकष काय?

लाडकी बहीण योजनेचे लाभार्थी महाराष्ट्राची रहिवासी असेल. २१ ते ६५ वयोगटातील उमेदवारांना योजनेचा लाभ मिळतो. महिलांच्या कुटुंबाचे उत्पन्न २.५ लाखांपेक्षा कमी असावे.महिला सरकारी कर्मचारी नसावे. पेन्शन घेणाऱ्या महिलांनीही योजनेचा लाभ मिळणार नाही.