आयटीआर फाइल करण्याची शेवटची तारीख जवळ आली आहे. आयकर विभागाने यावर्षी आयटीआर फाइल करण्याची शेवटची तारीख वाढवून दिली आहे. तुम्ही १५ सप्टेंबरपर्यंत आयटीआर फाइल करु शकतात. दरम्यान, आतापर्यंत हजारो करदात्यांनी आयटीआर फाइल केला आहे.आयटीआर फाइल केल्यानंतर रिफंड जमा होण्यास सुरुवात झाली आहे.

आयटीआर फाइल केल्यानंतर महिनाभर किंवा २० दिवसांमध्ये रिफंड येतो. दरम्यान, अनेकांचे टॅक्स रिफंड अजून जमा झालेले नाहीत. तुमचे रिफंडचे पैसे अडकले आहेत. दरम्यान, तुमचे पैसे का अडकले आहेत याबाबत आयकर विभागाने माहिती दिली आहे.

टॅक्स रिफंडला विलंब होण्याचे कारण (Why Income Tax Refund Delay)

आयकर विभागाने दिलेल्या माहितीनुसार, टॅक्स रिफंड येण्यास जर उशीर झाला तर त्यामागे अनेक कारणे असू शकतात. सिस्टीममधील स्वयंचलित पडताळणी आणि अतिरिक्त जोखीम मूल्यांकन तपासणी यामुळे झाला होता. कोणत्याही प्रकारच्या चुकीचा दावा पास होऊ नये, यासाठी सुरक्षा यंत्रणा आहेत. त्यामुळे पडताळणी करण्यासाठी वेळ लागू शकतो. त्यामुळे रिफंड येण्यास उशिर होऊ शकतो.परंतु लवकरच आयटीआर प्रोसेसिंग जलद केली जाईल. त्यामुळे उर्वरित दावे लवकरच निकाली काढले जातील, असं आयकर विभागाने सांगितले आहे.

इन्कम टॅक्स स्टेटस कसा चेक करायचा? (How To Check Income Tax Status)

सर्वात आधी तुम्हाला इन्कम टॅक्सच्या अधिकृत वेबसाइटवर जायचे आहे.

यानंतर यूजर आयडी आणि पासवर्ड टाकून लॉग इन करायचे आहे.

यानंतर Income Tax Return या ऑप्शनवर क्लिक करा.

यानंतर View Filed Return वर क्लिक करा. यानंतर तुम्हाला तुमचा स्टेट्‍स दिसणार आहे.