आयटीआर फाइल करण्याची प्रोसेस सुरु झाली आहे. करदात्यांनी आयटीआर फाइल करण्यास सुरुवातदेखील केली आहे. दरम्यान, आता आयटीआर फाइल केलेल्यांसाठी एक आनंदाची बातमी आहे. आयटीआर भरल्यानंतर तो स्विकारल्याचा मेसेज आला नसेल तर आता ही सेटलमेंट लवकर करण्यास सांगितले आहेत.

इन्कम टॅक्स विभागाने यासाठी निर्देश दिले आहेत. जर कोणत्याही करदात्यांना २०२२-२३ मध्ये आयटीआर फाइल केले होते. परंतु काही कारणांनी टॅक्स रिटर्न झाले नाही किंवा जुने रिफंड बाकी आहे तर या वर्षीच्या नोव्हेंबरपर्यंत दिले जाणार आहेत.

आर्थिक वर्ष २०२२-२३ म्हणजेच असेसमेंट वर्ष २०२३-२४साठी इन्कम टॅक्स रिटर्न भरले आहेत आणि रिफंट मिळाला नाही तर तुम्हाला लवकरच हे पैसे मिळणार आहेत. आयकर विभागाने ९ जून २०२५ रोजी हे आदेश जारी केले होते. ज्यामध्ये आयटीआर वेळेवर भरले आहेत परंतु त्याची सेटलमेंट अजून झाली नाही तर ती ३० नोव्हेंबर २०२५ पर्यंत होणार आहे.

करदात्यांना दिलासा

आयकर विभागाने हा निर्णय घेऊन करदात्यांना दिलासा दिला आहे. ज्यांनी ३१ जुलै २०२३ पर्यंत आयटीआर फाइल केला आहे आणि रिफंड मिळाला नाही आणि त्यांना याबाबत कोणतीही नोटीस प्राप्त झाली नाही त्यांना आता दिलासा दिला आहे. इन्कम टॅक्स कायदा १९६१ नुसार, कोणत्याही आर्थिक वर्षात आयटीआर प्रोसेस करण्यासाठी ९ महिन्याच्या कालावधीची सीमा असते. परंतु अजूनही जर तुम्हाला रिफंड आला नसेल तर तो तुम्हाला लवकरच मिळणार आहे.

आयटीआर फाइल केल्यानंतरही काही तांत्रिक कारणांनी प्रोसेस करु शकले नाही. त्यांना आता आयकर विभागाने सूट देईन आयकर रिटर्न ३० नोव्हेंबर २०२५ पर्यंत प्रोसेस करण्यासाठी किंवा त्यासंबंधित सूचना पाठवण्याचे निर्देश दिले आहेत.