करदात्यांसाठी अत्यंत महत्त्वाची बातमी आहे. आता आयटीआर फाइल करण्यासाठीची मुदत वाढवून देण्यात आली आहे. आयटीआर फाइल करण्यासाठी १ दिवस मुदत वाढवून देण्यात आली आहे. त्यामुळे ज्यांनी अजूनही आयटीआर फाइल केला नसेल त्यांनी लवकरात लवकर करावेत. याआधी आयटीआर फाइल करण्याची शेवटची तारीख १५ सप्टेंबर म्हणजे कालपर्यंत होती.

आयटीआर फाइल करण्याची शेवटची तारीख काय? (ITR Filling 2025 Deadline Extended)

आयटीआर फाइल करण्याची मुदत १ दिवस म्हणजेच १६ सप्टेंबरपर्यंत वाढवून देण्यात आली आहे. तुम्ही आज रात्रीपर्यंत आयटीआर फाइल करु शकतात. आयकर विभागाने याबाबत प्रेस रिलीजमध्ये माहिती दिली आहे.

काल अनेक करदात्यांनी आयटीआर फाइल केले. त्यातील अनेकांना तांत्रिक अडचणींचा सामना करावा लागला. अनेकदा वेबसाइटवर काही अडचणी होत्या. त्यामुळे अनेकांनी कालदेखील आयटीआर भरले नाहीत. या करदात्यांसाठी सरकारने मोठा निर्णय घेतला आहे. आता ते आजपर्यंत आयटीआर फाइल करु शकतात. १६ सप्टेंबर म्हणजे आज रात्री १२ वाजेपर्यंत आयटीआर फाइल करु शकतात.तुम्हाला जर आयटीआरमध्ये काही बदल किंवा अपडेट करायचे असेल तर आजच करा. आयकर विभागाने याबाबत माहिती दिली आहे.

आयटीआर फाइल करण्याची मुदत एका दिवसाने वाढल्याने करदात्यांना मात्र, दिलासा मिळाला आहे. आयकर विभागाने सांगितले आहे की, आयटीआर वेळेवर भरा आणि ऐनेवेळी येणाऱ्या तांत्रिक अडचणी आणि दंडापासून वाचा. यामुळे ज्या करदात्यांचे आयटीआर फाइल करणे बाकी आहे त्यांनी आज करा.

आयटीआर दाखल करण्याच्या अंतिम तारखेमुळे काल मोठ्या प्रमाणावर करदाते आयकर विभागाच्या ई-फाइलिंग पोर्टलवर लॉगिन करत होते. मात्र पोर्टलवर तांत्रिक अडचणी निर्माण झाल्या. काहींनी सोशल मीडियावर लॉगिन करता येत नसल्याच्या तक्रारीही केल्या. त्यामुळे आयकर विभागानं रिटर्न दाखल करण्यासाठी आजच्या एक दिवसाची मुदत वाढवून दिलीय.