पगारदार वर्गाने आयटीआर फाइल करण्यास सुरुवात केली आहे. आयटीआर फाइल करताना योग्य फॉर्म निवडणे खूप महत्त्वाचे असते. जर तुम्ही चुकीचा आयटीआर फॉर्म निवडला तर तुम्हाला खूप अडचणी येऊ शकतात. आयटीआर फॉर्म हा उत्पन्नानुसार निवडायचा असते. पगारदार वर्ग, बिझनेसमॅन अशा सर्व उत्पन्नासाठी वेगवेगळा आयटीआर फॉर्म असतो.

आयटीआर १ सहज (ITR 1)

जर तुमचे उत्पन्न (Income) ५० लाख एवढे असेल तर तुम्हाला आयटीआर १ भरावा लागणार आहे. हे उत्पन्न सॅलरी किंवा पेन्शनमधून येत असावे. याचसोबत १ रुमचे घरभाड्यांचा समावेश आहे. जर शेअर मार्केट किंवा म्युच्युअल फंडमध्ये नफा १ लाख २५ हजार असेल तर त्यावर कोणताही कर भरावा लागत नाही.

जर उत्पन्न जास्त असेल किंवा एकापेक्षा जास्त घरातून भाडे मिळत असेल. शेअर मार्केटमध्ये किंवा म्युच्युअल फंडमध्ये नफा किंवा तोटा झाला असेल तर आयटीआर १ भरता येता नाही.

आयटीआर २ (ITR 2)

बिझनेस, धंदा किंवा व्यवसाय करणाऱ्यांना आयटीआर २ भरावा लागणार आहे. जर तुम्हाला धंदा करताना नफा नसेल तरच आयटीआर २ फाइल करता येणार आहे.

आयटीआर ३ (ITR 3)

जर तुम्हाला धंदा किंवा व्यवसायामध्ये नफा मिळाला असेल तर आयटीआर ३ भरावा लागेल.त्यामुळे तुम्ही तुमच्या उत्पन्नानुसार फॉर्म भरा.

आयटीआरच्या नियमांत बदल

याआधी जर तुमचे उत्पन्न ५० लाखांपेक्षा जास्त असेल तर मालमत्ता आणि कर्ज याची यादी आयटीआरमध्ये भरावी लागायची. मात्र, आता फक्त १ कोटींपेक्षा जास्त उत्पन्न असेल तर यादी द्यावी लागणार आहे.

आतापर्यंत ५० लाखांपेक्षा जास्त उत्पन्न आणि १ कोटींपेक्षा जास्त उत्पन्न असलेल्या करदात्यांसाठी फॉर्म उपलब्ध झालेले नाही. याचे फॉर्म लवकरच उपलब्ध केले जातील.