प्रत्येकाचे काही न काही स्वप्न असते. स्वप्न पूर्ण करण्यासाठी प्रत्येकजण खूप मेहनत करतो. जर तुम्ही कामात सातत्य ठेवलं तर तुम्हाला नक्कीच यश मिळतं. असंच काहीसं नेहा नौटियाल यांच्यासोबत झालं. त्यांनी यूपीएससी परीक्षेत १८५ रँक प्राप्त केली. त्या सध्या IRS पदावर कार्यरत आहेत.

नेहा नौटियाल या मूळच्या उत्तराखंडच्या देहारादूनच्या रहिवासी आहेत. त्यांचे वडील पोस्ट ऑफिसमध्ये कार्यरत होते. त्यांची आई गृहिणी आहे. त्या कुटुंबातील सर्वात लहान आहेत. त्यांनी नेहमीच आपले स्वप्न पूर्ण करण्यासाठी मेहनत घेतली.

शिक्षण

नेहा यांचे शिक्षण उत्तराखंडमध्ये झाले. यानंतर त्यांनी राजस्थानमधील अजमेरमधून ४ वर्षांचा बीएससी-बीएड केले. यानंतर त्यांनी जूलॉजीमध्ये एमएससी पदवी प्राप्त केली. याचसोबत त्यांनी स्पर्धा परीक्षेची तयारी सुरु केली.

दुसऱ्या प्रयत्नात UPSC क्रॅक

नेहा यांनी नोकरी करता करता यूपीएससी (UPSC) परीक्षेचा अभ्यास केला. मात्र, काही दिवसांनी त्यांनी नोकरी सोडून फुल टाइम परीक्षेचा अभ्यास केला. पहिल्या प्रयत्नात त्यांची निवड झाली नाही. मात्र, त्यांनी हार मानली नाही. त्यांनी परिश्रम आणि मेहनतीच्या जोरावर २०११ मध्ये यूपीएससी परीक्षेत १८५ रँक प्राप्त केली. त्यांची निवड आयपीएस पदासाठी झाली होती. मात्र, त्यांनी आयआरएस पदासाठी काम करणे निवडले.

नेहा यांनी त्यांच्या यशाचे श्रेय त्यांच्या कुटुंबाला दिले. त्यांनी आपले स्वप्न पूर्ण करण्यासाठी खूप मेहनत घेतली. त्यांनी अभ्यासानंतर रिवीजन करण्यावर फोकस केला. त्यांनी खूप मेहनत घेतली आणि यूपीएससी परीक्षा पास केली.