देशातील सर्वात मोठी आयटी कंपन्यांपैकी एक म्हणजे इन्फोसिस. इन्फोसिस कंपनी नेहमीच चर्चेत असते. कर्मचाऱ्यांना ७० तास काम करण्याचा सल्ला नारायण मूर्ती यांनी केला होता. त्यांनी आता कर्मचाऱ्यांना नवीन सल्ला दिला आहे. इन्फोसिस कंपनीने एक ऑटोमेटेड सिस्टीम लागू केली आहे. ज्यामध्ये जर कोणत्याही कर्मचाऱ्यांनी ९ तास १५ मिनटांपेक्षा जास्त वेळ काम केले तर अलर्ट जारी केले जाईल.(Infosys New Work Policy)

इन्फोसिसने मेलमध्ये काय लिहलंय? (Infosys Mail To Employees)

इन्फोसिस कंपनीने सर्व कर्मचाऱ्यांना मेल पाठवला आहे. यामध्ये त्यांनी म्हटलंय की, आम्ही तुमच्या कामाची प्रशंसा करतो. परंतु तुमच्या भविष्यासाठी वर्क लाइफ बॅलन्स ठेवणे गरजेचे आहे. यामध्ये कर्मचाऱ्यांनी नियमित ब्रेक घ्यावेत. मॅनेजरशी चर्चा करावेत. स्वतः ला फ्रेश ठेवण्यासाठी इतर कामे करावीत.

वेळेपेक्षा जास्त वेळ काम करु नये (Do Not Work More Than 9.15 Hours)

इन्फोसिस कंपनीने याबाबत कर्मचाऱ्यांना ई-मेल पाठवण्यात आला आहे. कर्मचाऱ्यांनी दिलेल्या माहितीनुसार, जर कोणत्याही कर्मचाऱ्यांनी वर्क फ्रॉम होम घेतले तर ते जास्त वेळ काम करतात. यावेळी कामाचे तास ट्रॅक केले जातात. याचा रिपोर्ट एचआरकडे जातो. त्यानंतर एचआर कर्मचाऱ्यांना मेल पाठवते. यामध्ये कर्मचाऱ्यांच्या कामाचे तास आणि ऑफिस न जाण्याचे दिवस मोजले जातात.

महिन्यातून १० दिवस ऑफिसला जाणे अनिवार्य

इन्फोसिसने नोव्हेंबर २०२३ मध्ये नवीन वर्कप्लेस पॉलिसी लागू केली होती. याअंतर्गत कर्मचाऱ्यांना दर महिन्याला कमीत कमी १० दिवस ऑफिसला येणे अनिवार्य आहे. जर इतर दिवशी रिमोट वर्क करत असतील आणि ९.१५ तासांपेक्षा जास्त वेळ ऑनलाइन असतील तर एचआर नोटीस पाठवू शकते.

याआधी ७० तास काम करण्याचा सल्ला

याआधी इन्फोसिसचे नारायण मूर्ती यांनी ७० तास काम करण्याचा सल्ला दिला होता. त्यानंतर आता इन्फोसिसने कर्मचाऱ्यांच्या वर्क लाइफ बॅलन्ससाठी महत्त्वाचा निर्णय घेतला आहे. आता कर्मचाऱ्यांना जास्तीत जास्त ९.१५ तास काम करावे लागणार आहे.