तुमच्या खिशातली नोट आता कधीच फाटणार नाहीये... होय... देशाच्या मध्यवर्ती बँक म्हणजेच भारतीय रिझर्व्ह बँक प्लास्टिकच्या नोटा चलनात आणण्याची योजना आखतंय. यासंदर्भात आरबीआय संचालक मंडळाच्या बैठकीत प्रायोगिक तत्वावरील प्रकल्पावर सविस्तर चर्चा झाल्याची माहिती आहे. त्यामुळे देशात प्लास्टिक नोटा चलनात आणण्याच्या हालचाली सुरू झाल्या आहेत. दरम्यान, प्लास्टि

कागदी नोटांच्या छपाईचा खर्च सातत्याने वाढत असून गेल्या आर्थिक वर्षात हा खर्च 6 हजार 372 कोटी रुपयांवर पोहोचला आहे. तसेच, आर्थिक वर्ष 2025 मध्ये 23.80 अब्ज नोटा चलनातून बाद कराव्या लागल्या आहेत. यामध्ये प्रामुख्याने 500 आणि 100 रुपयांच्या नोटांचं प्रमाण सर्वाधिक आहे. त्यामुळे दीर्घकाळ टिकणाऱ्या, सुरक्षित आणि कमी खर्चात तयार होणाऱ्या प्लास्टिक नोटा चलनात आणण्याचा विचार आरबीआय करतंय.

भारतात प्लास्टिकच्या नोटांची संकल्पना काही नवीन नाही. कारण 2012 मध्ये तत्कालीन पंतप्रधान मनमोहन सिंग यांच्या काळात पाच शहरांमध्ये 10 रुपयांच्या पॉलिमर नोटांच्या चाचणीचं नियोजन केलं गेलं होतं. देशात डिजिटल पेमेंटचं प्रमाण वाढलं असलं तरीही मोठ्या संख्येनं नागरिक अद्याप कागदी चलनांचा वापर करताहेत. विशेष म्हणजे, याआधी आरबीआयनं नाण्यांचा वापर वाढवण्यासाठी केलेल्या प्रयत्नांना अपेक्षित यश आलेले नाही. खरंतर, जगातील 60 देशांमध्ये प्लास्टिकच्या नोटांचा वापर दैनंदिन व्यवहारात केला जातोय. त्यामुळे आता भारतातही प्लास्टिकच्या नोटा कधी चलनात येणार याची नागरिकांनाही उत्सुकता आहे.