मुंबईत गॅंगवॉर खपवूनन घेतला जाणार नाही.
कलाकारांना घाबरण्याची गरज नाही.
उपमुख्यमंत्री एकनाथ शिंदे
मुख्यमंत्री देवेंद्र फडणवीस यांनी मुंबई पोलिस आयुक्तांना फोन करून अभिनेते टायगर श्रॉफ यांच्यावर झालेल्या गोळीबाराच्या घटनेची माहिती घेतली.
पोलिस आयुक्तांना त्यांनी तत्काळ वेगाने तपास करून दोषींवर कठोर कारवाई करण्याचे निर्देश दिले आहेत.
नाना पटोले म्हणाले, "५ हजार रुपये म्हणजे उंट के मुह मे जीरा" असा प्रकार आहे. महागाईच्या काळात दिवाळी साजरी करण्यासाठी ५ हजार रुपयांची मदत जाहीर करणे म्हणजे दुष्काळात सापडलेल्या शेतकऱ्यांच्या जखमेवर मीठ चोळण्याचं काम सरकार करत असून, महागाईच्या काळात किमान २५ हजार रुपये तरी मदत मिळायला हवी होती, अशी आमची भूमिका असल्याचं नाना पटोले यांनी स्पष्ट करताना राज्य सरकारवर जोरदार प्रहार केला.
दुष्काळग्रस्त असलेल्या नंदुरबार जिल्ह्यातील शहादा शहरात अन्न आणि औषध प्रशासन विभागाने विनापरवाना आणि निकृष्ट दर्जाच्या बाटलीबंद पाण्यावर मोठी कारवाई केली आहे.अन्न सुरक्षा आयुक्त तुकाराम मुंढे यांच्या मार्गदर्शनाखाली ही धडक कारवाई करण्यात आली.तपासणीदरम्यान परवाना नसताना आणि चुकीचे लेबलिंग करून विक्रीसाठी ठेवलेल्या 1 लिटर आणि 500 मिली क्षमतेच्या एकूण 20 हजार 340 पाण्याच्या बाटल्या जप्त करण्यात आल्या आहेत. या अवैध साठ्याची अंदाजे किंमत 2 लाख 37 हजार 320 रुपये आहे. नागरिकांच्या आरोग्याशी खेळणाऱ्या अशा प्रकारांना आळा घालण्यासाठी प्रशासनाने ही कारवाई केली असून, सर्व अन्न व्यवसायिकांनी आवश्यक परवाने घेऊनच व्यवसाय करण्याचे आवाहन करण्यात आले आहे.
मेघगर्जनेसह जिल्ह्यात बहुतांश ठिकाणी पाऊस
गेल्या दोन दिवसांपासून रत्नागिरी जिल्ह्यात पावसाच्या सरी
सायंकाळी अचानक आलेल्या पावसामुळे नागरीकांची तारांबळ
उकाड्याने हैराण झालेल्या नागरीकांनी पावसामुळे गारवा
जामनेर येथे मुलींसाठी वसतिगृह व कुंभारी येथे पोलिस प्रशिक्षण केंद्र उभारण्याबाबत महत्त्वपूर्ण घोषणा आदिवासी विकासमंत्री प्रा. डॉ. अशोक उइके यांनी पहूर (ता. जामनेर) येथे केली. आदिवासी समाजाच्या शैक्षणिक व सामाजिक विकासाच्या दृष्टीने या मेळाव्यात घोषणा करण्यात आली.
पहूर (ता. जामनेर) येथे 'सेवा संकल्प अभियानांतर्गत' आदिवासी विकास विभागाच्या व यावल एकात्मिक आदिवासी विकास प्रकल्पातर्फे ' आदिवासी लाभार्थी मार्गदर्शन मेळावा आज झाला. यावेळी उपस्थित आदिवासी समाज बांधवांना मार्गदर्शन करताना मंत्री उइके बोलत होते.
मंत्री उइके म्हणाले, की वसतिगृह व पोलिस प्रशिक्षण केंद्र उपक्रमांमुळे आदिवासी विद्यार्थिनींच्या शिक्षणासाठी निवासाची सुविधा उपलब्ध होण्यास, पोलिस भरतीची तयारी करणाऱ्या आदिवासी युवकांना प्रशिक्षणाच्या संधी प्राप्त होण्यास मदत होण्याची अपेक्षा आहे. कार्यक्रमास जलसंपदा मंत्री गिरीश महाजन, पसमंदा मुस्लिम समाज अभ्यास समितीचे अध्यक्ष इद्रिस मुलतानी, हे उपस्थित होते
नांदेड शहरासह परिसरात आज पावसाच्या तुरळक सरी बरसल्या. नांदेड जिल्ह्याला आज पावसाचा येलो अलर्ट देण्यात आला होता. अडीच ते तीन महिन्यांच्या खंडानंतर पावसाच्या सरी बरसल्याने नागरिकांना दिलासा मिळाला. मात्र, जिल्ह्यातील बहुतांश भागांत कोरडे हवामान कायम असून सर्वत्र पाऊस झालेला नाही.
सोलापूरचे पालकमंत्री जयकुमार गोरे यांनी राष्ट्रवादी काँग्रेस (शरदचंद्र पवार) गटाचे आमदार नारायण आबा पाटील आणि उत्तमराव जानकर, तसेच शेकापचे आमदार बाबासाहेब देशमुख यांचा भाजप महायुतीच्या उमेदवारांना पाठिंबा असल्याचा दावा केला आहे.
गोव्यातून राहुल गांधींची सभा
आम्ही संविधानाचे संरक्षण करत आहोत
गोव्यातल्या जमिनी अरबपतींना देण्याचा कट
गोव्याला भ्रष्टाचाराचं मॉडेल बनवून ठेवलं आहे - राहुल गांधी
जिल्ह्यात कोरड्या दुष्काळामुळे शेती संकटात सापडली असून शेतकरी आत्महत्यांचे सत्र सुरूच आहे. कळमनुरी तालुक्यातील राजुरा येथे बाबुराव सक्रू राठोड (वय ४७) या अल्पभूधारक शेतकऱ्याने आत्महत्या केल्याची दुर्दैवी घटना समोर आली आहे.
सोलापूर जिल्ह्यातील करमाळ्याचे राष्ट्रवादी काँग्रेस (शरदचंद्र पवार) गटाचे आमदार नारायण आबा पाटील यांनी भाजपच्या मेळाव्याला हजेरी लावल्याने राजकीय चर्चांना उधाण आले आहे. महाविकास आघाडीतील आमदार महायुतीच्या व्यासपीठावर दिसल्याने अनेकांच्या भुवया उंचावल्या आहेत.
बारामती तालुक्यातील देऊळगाव रसाळ येथे विहिरीचे खोदकाम सुरू असताना अचानक दडी कोसळून भीषण दुर्घटना घडली. या दुर्घटनेत दोन जणांचा जागीच मृत्यू झाल्याची दुर्दैवी घटना समोर आली आहे. मिळालेल्या माहितीनुसार, देऊळगाव रसाळ येथे विहिरीचे खोदकाम सुरू होते. याचदरम्यान अचानक दडी कोसळल्याने ही दुर्घटना घडली. या घटनेत दोन जणांना आपला जीव गमवावा लागला.
पालघरच्या टेंभोडे परिसरातील निर्मल प्लाझा हाऊसिंग सोसायटीमधील बंद फ्लॅटला दुपारी पावणे दोनच्या सुमारास भीषण आग लागली. कौशल सिंग यांच्या मालकीच्या फ्लॅटमध्ये शॉर्टसर्किटमुळे आग लागल्याचा प्राथमिक अंदाज व्यक्त करण्यात येत आहे.
अकोला जिल्ह्यातील तेल्हारा तालुक्यातील वांगरगाव येथील पूर्णा, विद्रुपा आणि गौतमा नद्यांचा त्रिवेणी संगम कोरडाठाक पडला आहे. कधीकाळी पाण्याने भरलेलं नदीपात्र आता रखरखत्या वाळवंटासारखं दिसत असून, दुष्काळाची तीव्रता अधोरेखित होत आहे. संगमावरील वांगेश्वर महादेव मंदिर परिसरातील हे विदारक दृश्य पाणीटंचाईच्या संकटाची जाणीव करून देत आहे.
साडेतीन शक्तीपीठांपैकी एक पूर्ण पीठ असलेल्या नांदेडच्या माहूरगडावर श्री रेणुका मातेचा नवरात्र उत्सव सुरु आहे.आज अष्टमीनिमित्त माहूर गडावर श्री रेणुका मातेच्या दर्शनासाठी भाविकांची मोठी गर्दी पाहायला मिळाली.अष्टमी निमित्त गडावर होम हवन करून कुमारीका पूजन करण्यात आले. दरम्यान श्री रेणुका मातेची महाआरती करून देवीला महानैवेद दाखविण्यात आले.
एरंडोल विभागासाठी स्वतंत्र आदिवासी कार्यालय देण्यात यावे, या मागणीसाठी मंत्री गुलाबराव पाटील यांनी आदिवासी विकास मंत्री अशोक उईके यांच्याकडे हात जोडून विनंती केली. “आम्हाला लय त्रास आहे, मेहरबानी करा आणि आदिवासी कार्यालय देऊन टाका,” अशा शब्दांत त्यांनी आपली मागणी मांडली. “तीन-तीन मंत्री तुम्हाला सांगत आहेत, मोठे भाऊ म्हणून तुम्ही मला मदत करा. जिल्ह्याचा पालकमंत्री म्हणून मी ही मागणी करत आहे,” असेही गुलाबराव पाटील म्हणाले. यावेळी देवाचा प्रसाद खाण्याचा संदर्भ देत त्यांनी अशोक उईके यांना मिश्किल टोला लगावला. आता एरंडोल विभागासाठी स्वतंत्र आदिवासी कार्यालयाच्या मागणीवर आदिवासी विकास मंत्री काय निर्णय घेतात, याकडे सर्वांचे लक्ष लागले आहे.
पुणे शिक्षक मतदार संघात मोठी राजकीय घडामोड..
राज्य शिक्षक परिषदेचा अपक्ष उमेदवार डॉक्टर बी.पी रोंगे यांना पाठिंबा...
महायुतीमध्ये बिघाडी झाल्यानंतर आता शिक्षक परिषदेचा मोठा निर्णय
अभिनेता आमिर खान मनसे अध्यक्ष राज ठाकरे यांच्या भेटीला
शिवतीर्थ येथे आमिर खान राज ठाकरे यांना भेटण्यासाठी पोहोचला
अरविंद पाटील निलंगेकरांना मुंबई उच्च न्यायालयाच्या औरंगाबाद खंडपीठाचा दणका!
४० कोटींच्या बँक कर्ज घोटाळा प्रकरणात दोषमुक्तीचा अर्ज फेटाळला!
अरविंद पाटील निलंगेकर माजी मंत्री व भाजप आमदार संभाजी पाटील निलंगेकर यांचे बंधू
युनियन बँक ऑफ इंडिया आणि बँक ऑफ महाराष्ट्र कर्ज घोटाळा व कागदपत्रांतील फेरफार प्रकरणात खटल्याचा मार्ग मोकळा!
दीर्घ पावसाच्या खंडामुळे खरीप हंगाम हातचा गेला
पावसाअभावी खरीप हंगामात अत्यल्प उत्पन्न झाल्यामुळे खचलेल्या शेतकऱ्याने विष प्राशन करून आपली जीवन संपवलं
विठ्ठल मुकिंदा चव्हाण अस 46 वर्षीय शेतकऱ्यांचं नावं होतं
वाशिमच्या मालेगाव तालुक्यातील बोर्डी येथील शेतकरी होते.विठ्ठल चव्हाण यांच्याकडे अवघी दोन एकर शेती होती.
यंदा या दोन एकरांतून केवळ तीन क्विंटल सोयाबीनचं उत्पादन झालं.
गोकुळ दूध संघाच्या चाव्या या पाच लाख दूध उत्पादक आणि शेतकऱ्यांच्याच ताब्यात राहणार, असा विश्वास काँग्रेसचे आमदार सतेज पाटील यांनी व्यक्त केला आहे. महायुतीला स्वतःच्या नेत्यांवर आणिo ठरावधारकांवरच विश्वास नसल्याने अशा प्रकारची शपत आणि खबरदारी घेतली जात असल्याची टीका त्यांनी केली.
मुख्यमंत्री देवेंद्र फडणवीस यांनी राष्ट्रीय स्वयंसेवक संघाच्या महाल येथील संघ मुख्यालयात सरसंघचालक डॉ. मोहन भागवत यांची भेट घेण्यासाठी सुमारे साडेदहा वाजता पोहोचले.. मागील अर्ध्या तासापासून दोघांमध्ये चर्चा सुरू असल्याची माहिती आहे.
अभिनेता रणवीर शौरी यांना सोशल मीडियाच्या माध्यमातून शिवीगाळ करत जीवे मारण्याची धमकी देण्यात आली आहे. धमकी देणाऱ्या व्यक्तीने स्वतःचे नाव राज परिहार असल्याचे सांगितले आहे. १२ ऑक्टोबर रोजी रणवीर शौरी घरी असताना त्यांच्या वैयक्तिक जीमेलवर अज्ञात व्यक्तीकडून धमकीचा संदेश आला. पुढील वर्षी सार्वजनिक ठिकाणी दिसल्यास चार ते पाच जणांकडून डोक्यात लोखंडी रॉडने मारहाण करण्याची, तसेच एका फटक्यात कवटीचे दोन तुकडे करण्याची धमकी या संदेशातून देण्यात आली.
फॉर्म ६ संदर्भात महाराष्ट्र नवनिर्माण सेनेने महाराष्ट्राचे राज्य निवडणूक आयुक्त चोकलिंगम यांच्याकडे तक्रार केली होती. या तक्रारीची दखल घेत चोकलिंगम यांनी मुख्य निवडणूक आयुक्त ज्ञानेश कुमार यांना पत्र लिहून फॉर्म ६ मध्ये त्रुटी असल्याचे आणि त्यात बदल करणे आवश्यक असल्याचे नमूद केल्याची माहिती मनसे नेते संदीप देशपांडे यांनी दिली. चोकलिंगम यांनी यासंदर्भात अनौपचारिक माहिती दिल्याचेही देशपांडे यांनी सांगितले. या प्रकरणी संदीप देशपांडे यांनी पत्रकार परिषद घेऊन खुलासा केला. तसेच, यासंदर्भात सर्वोच्च न्यायालयातही याचिका दाखल केल्याची माहिती त्यांनी दिली.
मुंबईतील वांद्रे रिक्लेमेशन परिसरात १५ ऑक्टोबर रोजी पहाटे सव्वातीनच्या सुमारास पोलिसांनी कारवाई करत बेकायदेशीर पिस्तूल आणि जिवंत काडतुसे बाळगणाऱ्या अहमद अली हसरत अली याला अटक केली. गुप्त माहितीच्या आधारे पोलिसांनी सापळा रचून संशयिताला ताब्यात घेतले. त्याच्याकडून काळ्या रंगाचे देशी बनावटीचे पिस्तूल आणि दोन जिवंत काडतुसे जप्त करण्यात आली. पिस्तुलाची अंदाजे किंमत २५ हजार रुपये, तर काडतुसांची किंमत ५ हजार रुपये असल्याची माहिती आहे. आरोपीकडे शस्त्र बाळगण्याचा कोणताही परवाना नसल्याचे एफआयआरमध्ये नमूद करण्यात आले आहे. संबंधित आरोपी हे पिस्तूल घेऊन नेमका कुठे जात होता, याचा तपास पोलीस करत आहेत.
दुष्काळी संकट आणि राज्याच्या तिजोरीवरील वाढता आर्थिक ताण लक्षात घेऊन मुख्यमंत्री देवेंद्र फडणवीस यांनी राज्यातील सर्व विभागांना खर्चात काटकसर करण्याच्या सूचना दिल्या आहेत. सर्व विभागांच्या निधी खर्चात २० टक्के कपात करण्याचे निर्देश देण्यात आले असून, रस्ते आणि सिंचन प्रकल्पांवरील अनावश्यक खर्च टाळण्यास सांगण्यात आले आहे.
मात्र, शिक्षण, आरोग्य, कर्जमुक्ती आणि लाडकी बहीण यांसारख्या योजनांच्या निधीत कपात न करण्याच्या सूचना देण्यात आल्या आहेत. तसेच, जलसंधारण, पाणीपुरवठा आणि चारा योजनांसाठी निधीचा योग्य वापर करण्याचे निर्देश देण्यात आले आहेत.
जागतिक अस्थिरता, आर्थिक मंदी आणि दुष्काळी परिस्थितीच्या पार्श्वभूमीवर विभागप्रमुखांनी काटकसरीचे धोरण स्वीकारावे आणि सचिवांनी सद्सद्विवेकबुद्धीने निर्णय घ्यावेत, असे आवाहन मुख्यमंत्र्यांनी केले आहे.
पिंपरी-चिंचवड शहरातील रावेत परिसरात जगद्गुरू संत तुकाराम महाराज पुलाजवळ काल मध्यरात्री अडीचच्या सुमारास स्पोर्ट्स कारचा भीषण अपघात झाला. भरधाव वेगाने जाणाऱ्या कारवरील चालकाचे नियंत्रण सुटल्याने कार थेट रस्त्यावरील दुभाजकाला जाऊन धडकली. या अपघातात कारचालक जखमी झाल्याची प्राथमिक माहिती समोर आली आहे.
नांदुरी येथील अभोणा चौफुलीवर भरधाव कारने बंदोबस्तावरील पोलिसांना जोरदार धडक दिल्याची घटना घडली आहे. या अपघातात पोलीस उपनिरीक्षक विजय गायकवाड यांचा उपचारादरम्यान मृत्यू झाला, तर ११ हून अधिक पोलीस अधिकारी, कर्मचारी आणि भाविक गंभीर जखमी झाले आहेत. जखमींवर वणी ग्रामीण रुग्णालयात उपचार सुरू असून, गंभीर जखमींना पुढील उपचारांसाठी नाशिक येथे हलवण्यात आले आहे. नवरात्रोत्सवानिमित्त नांदुरी गावात मोठ्या प्रमाणात बॅरिकेडिंग करण्यात आलेले असतानाही हा अपघात घडला.
बीड जिल्ह्यात यंदा दोन दसरा मेळावे होत आहेत. नारायणगडावर मराठा आंदोलक मनोज जरांगे पाटील यांचा, तर सावरगाव घाट येथील भगवान भक्तीगडावर मंत्री पंकजा मुंडे यांचा दसरा मेळावा होणार आहे. नारायणगडावरील मेळाव्याची तयारी अंतिम टप्प्यात आली असून, यंदा हा मेळावा साध्या पद्धतीने आणि कोणताही गाजावाजा न करता पारंपरिक स्वरूपात साजरा करण्यात येणार आहे.
पुण्यातील सेव्हन लव्ह चौकात जुन्या वादातून तरुणांच्या दोन गटांमध्ये तुफान हाणामारी झाल्याची घटना समोर आली आहे. दोन दिवसांपूर्वी रात्रीच्या सुमारास ही घटना घडली. या हाणामारीचा व्हिडिओ सोशल मीडियावर मोठ्या प्रमाणात व्हायरल होत आहे. या प्रकरणी पोलिसांकडे अद्याप कोणतीही तक्रार प्राप्त झालेली नसली, तरी पोलिसांकडून अधिक तपास सुरू आहे.
दिशा सालियन यांचे वडील सतीश सालियन यांनी आदित्य ठाकरे, उद्धव ठाकरे आणि संजय राऊत यांच्याविरोधात २ हजार कोटी रुपयांचा मानहानीचा दावा दाखल केला आहे. या प्रकरणाची प्राथमिक सुनावणी २१ ऑक्टोबर रोजी ठाणे न्यायालयात होणार आहे. कार्यालयीन त्रुटी दूर झाल्यानंतर हे प्रकरण सुनावणीसाठी सूचीबद्ध करण्यात आले आहे. कथित मानहानीकारक पोस्ट आणि व्हिडिओ हटवण्यासह संबंधितांनी सार्वजनिक माफी मागावी, अशी मागणी दाव्यात करण्यात आली आहे.
तसेच, २ हजार कोटी रुपयांची बँक गॅरंटी आणि मालमत्ता जप्त करण्यासंदर्भात अंतरिम दिलासा देण्याची मागणीही करण्यात आली आहे. सतीश सालियन यांच्या वतीने अधिवक्ता ईश्वरलाल अग्रवाल आणि तन्वीर निजाम न्यायालयात बाजू मांडणार आहेत. या दाव्यातील आरोप अद्याप न्यायालयात सिद्ध झालेले नाहीत.
वन खात्यामध्ये आगामी काळात ऐतिहासिक आणि मोठ्या प्रमाणावर बदल घडवून आणण्याचा निर्णय घेण्यात आला आहे. याचाच एक भाग म्हणून, आगामी तीन वर्षांच्या कालावधीत वन खात्यात साधारणपणे २५ हजार ते ३० हजार लोकांची नवीन भरती केली जाणार असल्याची माहिती वनमंत्री गणेश नाईक यांनी केली आहे. इतक्या मोठ्या प्रमाणावर होणाऱ्या या भरतीमुळे वन विभागाच्या कामकाजात अमुलाग्र बदल घडण्यास मदत होईल, असा विश्वास यादरम्यान व्यक्त करण्यात येत आहे.
धाराशिव जिल्ह्यावर यंदा दुष्काळाचे सावट आहे पाऊस नसल्याने नदी नाले कोरडेठाक पडले आहेत.तर जनावरांना हिरवा चारा देखील उपलब्ध नाही त्यामुळे शेतकऱ्यांसमोर मोठ्या अडचणी निर्माण झाल्या आहेत अशातच मेंढपाळांना देखील आपल्या मेंढ्याना जगवण्यासाठी मोठी धडपड करावी लागत आहे. कर्नाटकातील विजापूर मधील मेंढपाळ धाराशिवमध्ये दाखल झाले आहेत मात्र चारा व पाण्या अभावी त्यांचे देखील मोठे हाल होत आहे.सोयाबीनची काढणी झालेल्या शेतात पडलेला पालापाचोळा व मिळेल तिथे पाणी पाजुन या मेंढ्या जगवण्याची मेंढपाळ धडपड करत आहेत.
सागरी सुरक्षेसाठी रत्नागिरी पोलीस दलाच्या क्विक रिस्पॉन्स टीमची सज्जता वाढवण्यात येत आहे. याचाच भाग म्हणून भाट्ये समुद्रकिनारी १८ जवानांना बोट सेलिंगचे प्रशिक्षण देण्यात आले. २ महाराष्ट्र नेव्हल युनिट एनसीसीच्या वतीने आयोजित ‘मेन्यू-२७’ शिबिरात हे प्रशिक्षण पार पडले. ७ दिवस चाललेल्या या शिबिरात जवानांना बोट चालवण्याचे प्रात्यक्षिक प्रशिक्षण देण्यात आले. सागरी आपत्कालीन परिस्थिती, बचावकार्य आणि किनारपट्टीवरील सुरक्षा अधिक प्रभावीपणे हाताळण्यासाठी या प्रशिक्षणाचा उपयोग होणार आहे.
एकेकाळी भूकंपाच्या अभ्यासासाठी महत्त्वाची भूमिका बजावणारे केंद्र आज झाडाझुडपांत हरवले आहे! चिपळूणमधील विंध्यवासिनी मंदिर परिसरात असलेली ही ऐतिहासिक वास्तू आता दुर्लक्षित अवस्थेत आहे. १० डिसेंबर १९६७ रोजी झालेल्या कोयना भूकंपानंतर भूगर्भातील हालचालींचा अभ्यास करण्यासाठी हे केंद्र उभारण्यात आले होते. सुमारे दोनशे फूट खोल विहिरीसदृश रचनेतून भूगर्भातील कंपनांचा अभ्यास केला जात होता. मात्र, आधुनिक तंत्रज्ञानामुळे केंद्र दुसरीकडे हलवण्यात आले आणि जुन्या वास्तूची देखभाल दुर्लक्षित राहिली. इतिहासाची साक्ष देणाऱ्या या केंद्राचे जतन आणि संवर्धन करण्याची मागणी आता जोर धरू लागली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.