मद्यप्रेमींच्या टेबलावर चकण्याला अनेक वेगवेगळे पदार्थ पाहायला मिळतात. काही मद्यप्रेमी चकण्यावर हजारो रुपये खर्च करतात. तर काही जण अवघ्या १० रुपयांचा चकणा देखील विकत घेतात. याच मद्यप्रेमींच्या टेबलावर एक १० रुपयांचा पदार्थ देखील आवर्जुन पाहायला मिळतो. देशात याच १० रुपयांच्या चकण्याचा कोटींचा व्यवसाय होतो.

तळीरामांच्या चकण्यामध्ये पापड, सॅलड, पनीर, तळलेले पदार्थ यांचा समावेश असतो. भारतातील मद्यप्रेमी खारे शेंगदाणे देखील चकणा म्हणून खाणे पसंत करतात. अनेक बड्या कंपन्या बंद पाकिटात १० रुपयांच्या शेंगदाण्याची विक्री करतात. अनेक मद्यप्रेमी चकणा म्हणून खारे शेंगदाणे खरेदी करताना दिसतात.

भारतात भुईमुंगाची शेती भारतातील अनेक राज्यात केली जाते. भुईमुंगांचं उत्पादन हे गुजरात,राजस्थान, आंध्र प्रदेश, महाराष्ट्र आणि मध्य प्रदेश या राज्यात अधिक प्रमाणात होतं. काही राज्यात भुईमुंगाची शेती ही खरीफ हंगामात केली जाते. तर काही भागात भुईमुंगाची शेती ही रब्बी हंगामात केली जाते. भुईमुंगाच्या पिकातून तेलाची देखील निर्मिती केली जाते.

भारतात बंद पाकिटात (शेंगदाणे, शेव, वेफर्स आदी) या पदार्थांची विक्री केली जाते. या पदार्थांचा वर्षाला जवळपास ४०००० ते ४५००० कोटी रुपयांचा व्यवसाय होतो. यामध्ये शेंगदाण्याच्या व्यवसायाचाही मोठा वाटा आहे. शेंगदाण्यांचा जवळपास ८००० ते १०,००० रुपयांचा वार्षिक व्यवसाय आहे. शेंगदाण्यामध्ये मसाला शेंगदाणे, खारे शेंगदाणे आदी. यांचा समावेश होतो.

भारतात हल्दीराम, बीकानेरवाला, बालाजी, हल्दीराम नागपूर, बिकाजी, लेजेंड स्नॅक्स यांच्यासहित स्थानिक ब्रँडच्या माध्यमातून नमकीनची विक्री केली जाते. या व्यतिरिक्त स्थानिक विक्रेते देखील सुटे किंवा छोट्या छोट्या बंद पाकिटात नमकीनची विक्री करत असतात.