अर्थमंत्री निर्मला सितारामन यांनी आज देशाचे अर्थसंकल्प सादर केले आहे. यामध्ये टॅक्सबाबत अनेक निर्णय घेण्यात आले आहेत. दरम्यान, २०२६-२७ च्या अर्थसंकल्पात टॅक्स स्लॅबमध्ये कोणताही बदल करण्यात आलेला नाही. त्यामुळे करदात्यांना दिलासा मिळालेला नाही. कर मर्यादेत कोणतीही वाढ करण्यात आले नाही.

आयकर मर्यादेत कोणताही बदल नाही (Income Tax Slab did not Change)

अर्थसंकल्पात करमर्यादा १२ लाखांपर्यंत निश्चित करण्यात आली होती. आता यामध्ये कोणताही बदल करण्यात आलेला नाही. याआधी नवीन कर प्रणालीअंतर्गत ४ लाखांच्या उत्पन्नापर्यंत करमुक्त होता. दरम्यान आता कलम 87 अंतर्गत १२ लाखांच्या उत्पन्नावर कोणताही टॅक्स लागणार नाहीये. त्यामुळे यावर्षी करमर्यादा वाढवण्यात आलेली नाही. यामुळे सर्वसामान्यांना दिलासा मिळाला नाही.

कर मर्यादा (New Tax Slab)

४ लाखांच्या उत्पन्नावर कर नाही

४ ते ८ लाखांवर ५ टक्के कर

८ ते १२ लाखांवर १० टक्के कर

१२ ते १६ लाखांवर १५ टक्के कर

१६ ते २० लाखांवर २० टक्के कर

२० ते २४ लाखांच्या उत्पन्नावर २५ टक्के कर

याचसोबत कलम ८७ अ अंतर्गत १२ लाखांच्या उत्पन्नावर कोणताही कर आकारला जाणार नाही

करदात्यांसाठी अजून काही महत्त्वाच्या घोषणा

१ एप्रिलपासून नवीन आयकर कायदा लागू होणार आहे. यामध्ये आयकर नियम अजूनच सोपे केले आहेत. यामुळे तुम्हाला आयटीआर फाइल करणे आणखी सोपे जाणार आहे. आयकर रिटर्न फाइल करण्याची प्रोसेस सोपी आणि सरळ होणार आहे.