जेवढं यश मोठं तेवढी त्यामागची मेहनत जास्त. मेहनत केल्यावर प्रत्येकालाच यश मिळते. असंच काहीसं प्रतीक जैन यांच्यासोबत झालं. त्यांनी खूप मेहनतीने यूपीएससी परीक्षा पास केली. त्यांनी आपले आयएएस होण्याचे स्वप्न पूर्ण केले. प्रतीक यांच्या अनेक वर्षांच्या अभ्यासाचे फळ त्यांना मिळाले. त्यांनी यूपीएससी परीक्षेत चांगली रँक मिळवली.

२५ व्या वर्षी IAS

प्रतीक जैन यांचा जन्म २५ जुलै १९९३ रोजी राजस्थानमधील अजमेर येथे झाला. ते २०१८ च्या बॅचचे आयएएस अधिकारी आहेत. प्रतीक यांनी BITS Pilani मधून मॅकेनिकल इंजिनियरिंग आणि बायोलॉजिकल सायन्समध्ये शिक्षण घेतले. यानंतर त्यांनी २०२० मध्ये JNU मधून पब्लिक मॅनेजमेंटमधून मास्टर डिग्री प्राप्त केली.

प्रतीक यांनी शिक्षण पूर्ण झाल्यानंतर यूपीएससी (UPSC) परीक्षेची तयारी केली. त्यांनी २०१६ मध्ये पहिल्यांदा यूपीएससी परीक्षा दिली. त्यांनी यावेळी प्रिलियम्स आणि मेन्स क्लिअर केली परंतु फायनलमध्ये त्यांना जागा मिळाली नाही. त्याच वर्षी त्यांनी इंडियन फॉरेस्ट सर्व्हिसमध्ये ऑल इंडिया रँक ३ प्राप्त केली. परंतु त्यांचे आयएएस होण्याचे स्वप्न होते. त्यामुळे त्यांनी २०१७ मघ्ये यूपीएससी परीक्षा दिली. ते २५ व्या वर्षी आयएएस अधिकारी झाले.

IAS ट्रेनिंग पूर्ण झाल्यानंतर प्रतीक हे हरिद्वार येथे CDO झाले.त्यानंतर ते नैनिताल येथे डेप्युटी कलेक्टर म्हणून कार्यरत झाले. यानंतर त्यांनी डीएम पदाचा कारभार स्विकारला. ते सर्वात तरुण आयएएस आहे ज्यांनी डीएम पदाचा कारभार स्विकारला.