केंद्रीय लोकसेवा आयोग ही परीक्षा सर्वात अवघड असते. यूपीएससी परीक्षा पास करुन आयएएस आणि आयपीएस होण्याचे अनेकांचे स्वप्न असते. दरम्यान, यासाठी दिवसरात्र एक करुन अभ्यास करावा लागतो. जर तु्म्ही मेहनत घेतली तर तुम्हाला नक्कीच यश मिळते. असंच काहीसं दिव्या तंवर यांनी केलं. एकदा नाही तर दोनदा त्यांनी यूपीएससी परीक्षा पास केली. पहिल्यांदा यूपीएससी (UPSC) परीक्षा पास करुन त्या आयपीएस अधिकारी बनल्या. त्यानंतर त्यांनी पुन्हा यूपीएससी परीक्षा दिली. यावेळी त्या आयएएस अधिकारी बनल्या.

दिव्या तंवर या मूळच्या हरियाणातील महेंद्रगढ जिल्ह्यातील निंबी गावच्या रहिवासी. २०११ मध्ये दिव्याच्या वडिलांचे निधन झाले. कुटुंबावर आर्थिक संकंट ओढावले होते. त्यामुळे सर्व जबाबदारी त्यांच्या आईवर आली. त्यांच्या आईने शेतात मजुरी केली. वेळप्रसंगी त्यांनी शिलाईचेदेखील काम केले. कठीण परिस्थिती असतानाही त्यांनी आपल्या मुलांच्या शिक्षणात कोणतीही अडचण येऊ दिली नाही.

दिव्या यांनी सुरुवातीचे शिक्षण सरकारी शाळेतून घेतले. त्यानंतर त्यांनी जवाहर नवोदय विद्यालय येथे अॅडमिशन घेतले. त्यांनी आपली मेहनत सुरु ठेवली. यानंतर त्यांनी सायन्समधून ग्रॅज्युएशन पूर्ण केले. यानंतर त्यांनी यूपीएससी परीक्षेची तयारी केली.

कोचिंगशिवाय यूपीएससी परीक्षेची तयारी

यूपीएससी परीक्षा पास करण्यासाठी अनेकजण कोचिंग क्लासेस लावतात. परंतु दिव्या यांनी दुसरा मार्ग निवडला. त्यांनी ऑनलाइन क्लास, टेस्ट सीरीज आणि मॉक टेस्टद्वारे अभ्यास केला. त्यांनी कोणत्याही प्रकारचे क्लासेस लावले नाही. त्यांची शिस्त आणि अभ्यास करण्याची पद्धत यामुळे त्यांना यश मिळाले.

२१व्या वर्षी बनवल्या IPS

दिव्या तंवर यांनी पहिल्या प्रयत्नात यूपीएससी परीक्षा पास केली. त्यांनी ऑल इंडिया रँक ४३८ प्राप्त केली. २१ व्या वर्षी आयपीएस अधिकारी होणाऱ्या सर्वात अधिकाऱ्यांपैकी एक आहे.

दुसऱ्या प्रयत्नात IAS

दिव्या तंवर यांचे आयएएस होण्याचे स्वप्न होते. त्यामुळे त्यांनी पुन्हा प्रयत्न केले. त्यांनी २०२२ मध्ये दुसऱ्यांदा परीक्षा दिली. यावेळी त्यांना यश मिळाले. त्यांनी १०५ रँक प्राप्त केली. दुसऱ्या प्रयत्नात दिव्या तंवर या आयएएस अधिकारी झाल्या.