आघाडीची कार उत्पादक कंपनी Hyundai ने आता ड्युअल सिलेंडर असलेली आपली हॅचबॅक कार Grand i10 भारतात लॉन्च केली आहे. याआधी कंपनीने Duo CNG सिलिंडर तंत्रज्ञानासह एक्स्टर लॉन्च केली होती.
टाटा मोटर्सने ही कॉन्सेप्ट आपल्या कारमध्ये समाविष्ट केली होती, जी ग्राहकांना आवडली होती. कारण बूटमधील जागेची समस्या दूर झाली होती. म्हणजे आता तुम्ही गाडीत जास्त सामान ठेवू शकता. यातच नवीन Grand i10 Duo CNG ची किंमत आणि फीचर्सबद्दल अधिक माहिती जाणून घेऊ…
या कारमध्ये 1.2L Bi-Fuel (पेट्रोल + CNG) इंजिन आहे. जे 69PS चा पॉवर आणि 95.2Nm टॉर्क जनरेट करते. यात 60 लिटरची इंधन टाकी आहे. या कारमध्ये देण्यात आलेले इंजिन पॉवरफुल्ल तर आहेच शिवाय प्रत्येक सीझनमध्ये चांगली परफॉर्मन्स देईल, असं कंपनीचं म्हणणं आहे. हे इंजिन 5 स्पीड मॅन्युअल गिअरबॉक्सने सुसज्ज आहे.
Hyundai Grand i10 Nios CNG दोन व्हेरियंटमध्ये सादर करण्यात आली आहे. याच्या मॅग्ना व्हेरियंटची एक्स-शोरूम किंमत 7,75,300 रुपये आहे आणि Sportz व्हेरिएंटची किंमत 8,30,000 रुपये आहे.
कारमध्ये बॅक पार्किंग कॅमेरा, इलेक्ट्रॉनिक स्टेबलिटी कंट्रोल, 8-इंच टचस्क्रीन इन्फोटेनमेंट सिस्टम, रियर एसी व्हेंट, टिल्ट स्टीयरिंग यासह अनेक फीचर्स देण्यात आले आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.