ह्युंदाई मोटर इंडियाने अलीकडेच त्यांची नवीन क्रेटा आणि क्रेटा एन लाइन भारतात लॉन्च केली आहे. लॉन्च होताच या एसयूव्हीची बाजारात मोठी मागणी होताना दिसत आहे. दर महिन्याला सर्वाधिक विक्री होणाऱ्या टॉप 10 कारच्या यादीतही त्याचा समावेश करण्यात आला आहे. आता अशी बातमी समोर येत की, या वर्षी सप्टेंबरमध्ये Creta चा इलेक्ट्रिक मॉडेल लॉन्च केला जाऊ शकतो. सूत्रानुसार, टेस्टदरम्यान ही कार अनेकदा दिसली आहे.

किती देणार रेंज?

मीडिया रिपोर्ट्सनुसार, Hyundai Creta Electric मध्ये 45kWh चा बॅटरी पॅक मिळू शकतो. जो पूर्ण चार्ज केल्यावर सुमारे 450 किमीची रेंज देऊ शकतो. नवीन इलेक्ट्रिक क्रेटा 138hp पॉवर आणि 255 Nm टॉर्क जनरेट करेल. रेंजच्या दृष्टीने इलेक्ट्रिक क्रेटा हा एक चांगला पर्याय ठरू शकतो.

फीचर्स

नवीन इलेक्ट्रिक Creta मध्ये लेव्हल 2 ADAS, 10.25 इंच टच स्क्रीन सिस्टम, 360 डिग्री कॅमेरा, Apple कार प्ले, अँड्रॉइड ऑटो, 8 स्पीकर साउंड सिस्टम, डॅशकॅम, क्लायमेट कंट्रोल, वायरलेस चार्जिंग पॅड, टाइप सी चार्जिंग पोर्ट यासारखे फीचर्स मिळू शकतात. तसेच यात इलेक्ट्रॉनिक पार्किंग ब्रेक्स, सेफ्टीसाठी 6 एअरबॅग्ज, EBD सह ABS यासह अनेक फीचर्स यात मिळू शकतात.

या इलेक्ट्रिक कार्सही लवकरच होणार लॉन्च

Hyundai Creta EV सोबत Maruti Suzuki आणि Tata Motors च्या नवीन इलेक्ट्रिक कार लवकरच भारतात लॉन्च केल्या जाऊ शकतात. याची किंमत सुमारे 20-25 लाख रुपये असू शकते.

यात सर्वात परवडणारी XUV400 आहे. ज्याची किंमत 15.49 लाख ते 17.49 लाख रुपयांच्या दरम्यान आहे, तर MG ZS EV ची किंमत 18.98 लाख ते 24.98 लाख रुपयांच्या दरम्यान आहे.