केंद्र सरकारनं जीएसटीमध्ये आतापर्यंतची सर्वात मोठी सुधारणा जाहीर केली आहे. जीएसटी परिषदेच्या पहिल्याच दिवशी महत्त्वाचा निर्णय घेण्यात आला असून, कराचे चार स्लॅब कमी करून फक्त दोन स्लॅब ठेवण्यात आले आहेत. १२ आणि २८ टक्क्यांचे स्लॅब रद्द करण्यात आले असून, ५ आणि १८ टक्के हे दोन स्लॅब सुरू राहणार आहेत.

या निर्णयाचा थेट परिणाम गाड्यांच्या किंमतींवर होणार आहे. विशेषतः दुचाकी खरेदीदारांना मोठा दिलासा मिळणार आहे. जर आपण पुढील काळात बाईक घेण्याचा विचार करत असाल तर ही बातमी तुमच्यासाठी खास आहे.

जीएसटीचे नवीन दर २२ सप्टेंबरपासून लागू होणार आहेत. ३५० सीसीपेक्षा कमी इंजिन क्षमता असलेल्या दुचाकी वाहनांवर १८ टक्के जीएसटी आकारला जाईल. याआधी हा दर २८% होता. त्यामुळे होंडा अक्टिव्हा, बजाज पल्सर, स्प्लेंडर यांसारख्या लोकप्रिय बाईक्स स्वस्त होणार आहेत.

तसेच ४५० सीसी आणि ६५० सीसीहून जास्त मोटारसायकलींवर ४० टक्के कर आकारला जाईल. रॉयल एनफिल्डसारख्या क्रूजर बाईकवर ४० टक्के जीएसटी लागू होणार आहे. या बाईक्स महाग होणार आहेत.

बाईक्सच्या ऑन रोड किंमत किती?

बाईक्सच्या एक्स शोरूममध्ये किंमतीव्यतिरिक्त ६,६५४ रूपये आरटीओ शुल्क, ६,६८५ रूपये इंश्योरंस, प्रीमियम आणि जवळपास ९५० रूपये दुसरा चार्ज लावण्यात येतो. या सगळ्या किंमती जोडल्यानंतर दिल्लीत स्प्लेंडर प्लसची किंमत जवळपास ९३,७१५ रूपये होते. टॅक्स कमी केल्याचा पूर्णपणे लागू झाला तर, आधीपेक्षा या बाईक स्वस्त होतील.

३५० सीसीपेक्षा कमी क्षमतेच्या लोकप्रिय स्कूटर्स