मुलींच्या जन्मापासूनच तिच्या आईवडिलांना तिच्या लग्नाची चिंता असते. मुलीने लग्न छान थाटामाटात करावे अशी सर्वांचीच इच्छा असते. परंतु अनेक आर्थिक परिस्थितीमुळे हे जमत नाही. आर्थिक परिस्थिती बिकट असल्याने मुलीच्या लग्नाचा खर्च उचलू शकत नाही. परंतु आता सरकार मुलींच्या लग्नासाठी आर्थिक मदत करणार आहे.

उत्तर प्रदेश सरकारने खास लेकीच्या लग्नासाठी मुख्यमंत्री सामुदायिक विवाह सोहळा योजना सुरु केली आहे. या योजनेअंतर्गत मुलीच्या लग्नासाठी १ लाख रुपये दिले जातात. गरीब आणि मध्यमवर्गीय कुटुंबासाठी ही योजना राबवण्यात आली आहे.

उत्तर प्रदेश सरकारने मुख्यमंत्री सामूहिक विवाह सोहळा योजना सुरु केली आहे. याअंतर्गत तुम्हाला आधी ५१००० रुपये दिले जायचे. त्यानंतर आता ही रक्कम वाढवून १ लाख रुपये करण्यात आली आहे. या योजनेत मुलीला ६०,००० रुपये दिले जाणार आहेत. २५००० रुपये लग्नासाठी वापरले जाणार आहे. तर १५००० रुपये हे सामूहिक विवाह सोहळ्याच्या उपाययोजनेसाठी वापरले जाणार आहेत.

या योजनेचा लाभ घेणाऱ्या कुटुंबाचे उत्पन्न ३ लाखांपेक्षा कमी असावे. मुलीचे वय १८ वर्षांपेक्षा जास्त असावे. तर मुलाचे वय २१ किंवा त्यापेक्षा जास्त असावे. अनुसूचित जाती, जमाती, अल्पसंख्यांक समुदायातील नागरिकांना या योजनेचा लाभ घेता येणार आहे.

या योजनेसाठी अर्ज करताना तुम्हाला shadianudan.upsdc.gov.in या वेबसाइटवर जाऊन अर्ज करावा लागेल. तुम्हाला जवळच्या जन सेवा केंद्रात जाऊनदेखील अर्ज करता येणार आहे. अर्ज करताना आधार कार्ड, उत्पन्नाचा दाखला, बँक पासबुक,लग्नाची पत्रिका असणे गरजेचे आहे.