पेन्शनधारकांसाठी महत्त्वाची बातमी आहे. ८ वा वेतन आयोग लागू करण्याची घोषणा सरकारने केली आहे. यामुळे सरकारी कर्मचाऱ्यांच्या पगारात भरघोस वाढ होणार आहे. कर्मचाऱ्यांसोबतच पेन्शनधारकांनाही दिलासा मिळणार आहे. १ जानेवारी २०२६ पासून ८ वा वेतन आयोग लागू होऊ शकतो.

८ व्या वेतन आयोगामुळे १ कोटी कर्मचारी आणि पेन्शनधारकांना फायदा होणार आहे. मिडिया रिपोर्टनुसार, यावेळी फिटमेंट फॅक्टर २.८६ होण्याची शक्यता आहे.यामुळे पेन्शन वाढू शकते. सध्या बेसिक पेन्शन ही ९,००० रुपये आहे. ही पेन्शन वाढवून मिळणार आहे. ही पेन्शन २५,७४० रुपये होण्याची शक्यता आहे. (8th Pay Commission)

७ वा वेतन आयोग २०१६ मध्ये लागू करण्यात आला होता. त्यामध्ये सेवानिवृत्त कर्मचाऱ्यांची बेसिक पेन्शन ९००० रुपये झाली होती. जास्तीत जास्त १,२५,००० रुपये पेन्शन होती. याचसोबत त्यांना महागाई भत्ता दिला जायचा.आता सेवानिवृत्त कर्मचाऱ्यांच्या पेन्शनमध्ये वाढ होणार आहे.

पेन्शन आणि पगारात वाढ ही फिटमेंट फॅक्टरमध्ये घेतली जाते. सातव्या वेतन आयोगात २.५७ फिटमेंट फॅक्टर होता. ज्यामुळे वेतन आणि पेन्शनमध्ये वाढ होणार आहेत.त्यानंरृतर आता २.८६ फिटमेंट फॅक्टर होऊ शकतो.त्यामुळे पेन्शमध्ये वाढ होऊ शकतो. त्यामुळे बेसिक पेन्शन २५,७४० रुपये होऊ शकते. जी १८६ टक्के वाढ असेल. (Pension Will Increase Under 8th Pay Commission)

८ व्या वेतन आयोगात इतर अनेक लाभांमध्ये बदल होण्याची शक्यता आहे. यामध्ये महागाई भत्त्यातदेखील बदल होऊ शकतो. ज्यामध्ये ग्रॅच्युटी वाढण्याची शक्यता आहे. पेन्शन मध्ये वाढ झाल्यानंतर महागाई भत्ता आणि इतर भत्त्यांमध्ये वाढ होण्याची शक्यता आहे. जानेवारी २०२६ मध्ये ही पेन्शन वाढू शकते.