सोन्या–चांदीच्या दरात मागील दोन दिवसांत मोठी घट झाल्याने गुंतवणूकदारांना दिलासा मिळाला आहे. जळगाव सुवर्ण बाजारात गुरुवारी (ता. २९) सोने आणि चांदीने ऐतिहासिक उच्चांक गाठला होता. मात्र त्यानंतर लगेचच दरात मोठी घसरण नोंदवली गेली आहे.

गुरुवारी चांदीचा दर ‘जीएसटी’सह प्रतिकिलो 4 लाख रुपयांच्या पुढे गेला होता, तर सोने प्रतिदहा ग्रॅम 1 लाख ८३ हजार रुपयांवर पोहोचले होते. हा आतापर्यंतचा सर्वाधिक दर मानला जात होता. मात्र शुक्रवारी (ता. ३०) चांदीच्या दरात प्रतिकिलो तब्बल ४२ हजारांची, तर सोन्याच्या दरात प्रतिदहा ग्रॅम ९ हजारांची घट झाली.

शनिवारी (ता. ३१) बाजारात सोन्याचा दर ‘जीएसटी’सह 1 लाख ६३ हजारांपर्यंत खाली आला असून चांदीचा दर 3 लाख तीन हजार रुपयांवर स्थिरावला आहे. अवघ्या दोन दिवसांत सोन्याच्या दरात सुमारे ११ हजारांची, तर चांदीच्या दरात जवळपास ५० हजारांची घसरण झाली आहे.

(विना जीएसटी) आजचे दर काय आहेत?

* **२४ जानेवारी** – सोने: ₹१,४४,९०० | चांदी: ₹३,४०,०००

* **२६ जानेवारी** – सोने: ₹१,६०,००० | चांदी: ₹३,५०,०००

* **२७ जानेवारी** – सोने: ₹१,५९,३०० | चांदी: ₹३,४५,०००

* **२८ जानेवारी** – सोने: ₹१,६४,००० | चांदी: ₹३,६८,०००

* **२९ जानेवारी** – सोने: ₹१,८०,००० | चांदी: ₹४,००,००८

* **३० जानेवारी** – सोने: ₹१,७०,००० | चांदी: ₹३,५०,०००

* **३१ जानेवारी** – सोने: ₹१,५९,००० | चांदी: ₹३,०३,०००

अचानक वाढलेल्या दरांमुळे गुंतवणूकदार आणि ग्राहक संभ्रमात होते. मात्र आता दरात झालेल्या घसरणीमुळे पुन्हा एकदा बाजारात व्यवहार वाढण्याची शक्यता व्यक्त केली जात आहे.