Summary -

• इराण- अमेरिका युद्धविरामानंतर सोन्याने उच्चांक गाठला

• २४ कॅरेटचे १० तोळा सोनं ३९,८०० रुपयांनी महागलं

• २२ आणि १८ कॅरेटच्या सोन्यातही मोठी वाढ

• १ किलो चांदीच्या दरात १०,००० रुपयांची वाढ झाली

इराण आणि अमेरिकेमध्ये दोन आठवड्यांच्या शस्त्रसंधीच्या घोषणेनंतर सोनं-चांदीच्या दरामध्ये मोठा बदल झाला आहे. आज सराफा बाजार उघडताच सोनं-चांदीच्या दरात मोठी वाढ झाली आहे. सोन्याचे दर वाढल्यामुळे ग्राहकांच्या खिशाला कात्री लागणार आहे. आज २४ कॅरेटच्या १० तोळा सोन्याच्या दरामध्ये ३९,८०० रुपयांची वाढ झाली आहे. तर १ किलो चांदीच्या दरात १०,००० रुपयांची वाढ झाली आहे. आज सोनं- चांदी खरेदी करायला जाण्यापूर्वी २४, २२ आणि १८ कॅरेटच्या सोन्याचे आणि चांदीचे दर किती ते जाणून घ्या....

गुड रिटर्न्सने दिलेल्या माहितीनुसार, आज २४ कॅरेटच्या सोन्याच्या दरात मोठी वाढ झाली आहे. २४ कॅरेटचे १ तोळा सोन्याच्या दरामध्ये ३,९८० रुपयांनी वाढ झाली आहे. हे सोनं खरेदीसाठी आज तुम्हाला १,५३,८२० रुपये खर्च करावे लागणार आहे. तर २४ कॅरेटच्या १० तोळा सोन्याच्या दरामध्ये ३९,८०० रुपयांची वाढ झाली आहे. हे सोनं खरेदीसाठी तुम्हाला १५,३८,२०० रुपये खर्च करावे लागणार आहे. सोन्याच्या दरात वाढ झाल्यामुळे सोन्यामध्ये गुंतवणूक करणाऱ्यांना झटका बसला.

आज २२ कॅरेटच्या सोन्याच्या दरात देखील मोठी वाढ झाली आहे. २२ कॅरेटचे १ तोळा सोनं ३,६५० रुपयांनी महाग झाले आहे. हे सोनं खरेदीसाठी तुम्हाला १,४१,००० रुपये मोजावे लागणार आहे. मंगळवारी हे सोनं १,३७,३५० रुपयांना विकले गेले. तर २२ कॅरेटचे १० तोळा सोनं ३६,५०० रुपयांनी महाग झालं आहे. हे सोनं खरेदीसाठी तुम्हाला १४,१०,००० रुपये खर्च करावे लागतील. मंगळवारी हे सोनं १३,७३,५०० रुपयांना विकले गेले.

२४ आणि २२ कॅरेटपाठोपाठ १८ कॅरेटच्या सोन्याच्या दरात देखील मोठी वाढ झाल्याचे पाहायला मिळत आहे. १८ कॅरेटच्या १ तोळा सोन्याच्या दरामध्ये २,९९० रुपयांनी वाढ झाली आहे. हे सोनं खरेदीसाठी तुम्हाला १,१५,३७० रुपये खर्च करावे लागतील. १८ कॅरेटच्या १० तोळा सोन्याच्या दरामध्ये २९,९०० रुपयांनी वाढ झाली. हे सोनं खरेदीसाठी तुम्हाला ११,५३,७०० रुपये मोजावे लागतील. सोनं-चांदीच्या दरात मोठी वाढ झाल्यामुळे ग्राहकांमध्ये नाराजी पाहायला मिळत आहे.

दरम्यान, सोन्यापाठोपाठ चांदीने देखील उच्चांक गाठला आहे. आज १ ग्रॅम चांदीच्या दरात १० रुपयांनी वाढ झाली असून ते खरेदी करण्यासाठी २६० रुपये मोजावे लागतील. तर आज १ किलो चांदीच्या दरामध्ये १०००० रुपयांची वाढ झाली आहे. १ किलो चांदी खरेदी करताना तुम्हाला आज २,६०,००० रुपये द्यावे लागतील.