सोनं खरेदी करणाऱ्यांसाठी महत्वाची बातमी आहे. वटपौर्णिमेच्या दिवशी सोन्याचे दर कमी झाले होते. त्यामुळे अनेक महिलांनी सोनं खरेदीकडे भर दिला. पण वटपौर्णिमेच्या दुसऱ्या दिवशीच सोन्याच्या दरात पुन्हा वाढ झाली आहे. २४ कॅरेट सोन्याच्या दरात प्रती तोळा ८२० रुपयांनी वाढ झाली आहे. त्यामुळे सोनं खरेदी करणाऱ्यांच्या खिशाला पुन्हा कात्री लागली आहे. तुम्ही देखील सोनं-चांदी खरेदी करायला जाणार असाल तर त्यापूर्वी तुमच्या शहरातील आजचे दर किती आहेत हे जाणून घ्या.

गुडरिटर्न्स या वेबसाईटने दिलेल्या माहितीनुसार, आज २४ कॅरेट सोन्याच्या दरात प्रति तोळा ८२० रुपयांनी वाढ झाली आहे. त्यामुळे २४ कॅरेटचे एक तोळा सोनं खरेदी करण्यासाठी आज तुम्हाला ९८,४०० रुपये खर्च करावे लागणार आहे. मंगळवारी सोन्याच्या भावामध्ये घसरण झाली होती. एक तोळा सोनं ९७,५८० रुपयांना मिळत होते. त्यामुळे ग्राहकांना काहीसा दिलासा मिळाला होता. पण आज पुन्हा सोन्याचे दर वाढले आहेत. आज १० तोळे सोन्याच्या दरामध्ये ८,२०० रुपयांनी वाढ झाली आहे. १० तोळ्यासाठी तुम्हाला ९,८४,००० रुपये खर्च करावे लागणार आहेत.

आज २२ कॅरेट सोन्याच्या दरात प्रति तोळा ७५० रुपयांनी वाढ झाली आहे. हे एक तोळा सोनं खरेदी करण्यासाठी तुम्हाला ९२,२०० रुपये मोजावे लागणार आहेत. तर १८ कॅरेट सोन्याच्या दरात प्रति तोळा ६१० रुपयांनी वाढ झाली आहे. १८ कॅरेटचे एक तोळा सोनं खरेदी करण्यासाठी तुम्हाला ७३,८०० रुपये खर्च करावे लागणार आहेत. तर आज भारतात चांदीची किंमत प्रति ग्रॅम १०९ रुपये आणि प्रति किलोग्रॅम १,०९,००० रुपये इतकी झाली आहे.

मुंबई -

२४ कॅरेट - ९,८४० रुपये

२२ कॅरेट - ९,०२० रुपये

१८ कॅरेट - ७,३८० रुपये

चेन्नई-

२४ कॅरेट - ९,८४० रुपये

२२ कॅरेट - ९,०२० रुपये

१८ कॅरेट - ७,४१५ रुपये

दिल्ली -

२४ कॅरेट - ९,८५५ रुपये

२२ कॅरेट - ९,०३५ रुपये

१८ कॅरेट - ७,३९३ रुपये