आज आठवड्याच्या शेवटच्या दिवशी सर्वसामान्यांना दिलासा देणारी बातमी समोर आली आहे. आज सोने आणि चांदीच्या दरात घसरण झाली आहे. गेल्या अनेक दिवसात सातत्याने सोन्याच्या दरात चढ-उतार होताना दिसत होते. आज मात्र सोन्याच्या किंमती घसरल्या आहे.ऐन लग्नसराईच्या दिवसात सोन्याला उतरती कळा लागल्याने ग्राहकांना खुशखबर मिळाली आहे.

सोन्याचे दर कितीने घसरले? (Gold Price Fall Today)

सोन्याचे दर प्रति तोळ्यामागे २७० रुपयांनी घसरले आहेत. १४ कॅरेट १० तोळा सोन्याच्या दरात २७०० रुपयांची घसरण झाली आहे. १ तोळ्यामागे ग्राहकांना १,३३,९१० रुपये मोजावे लागणार आहे तर १० तोळ्याचे दर १३,३९,१०० रुपये झाले आहे. २२ कॅरेट सोन्याचे दरदेखील घसरले आहे. यामध्ये प्रति तोळ्यामागे २५० रुपयांची घसरण झाली आहे. हे दर १,२२,७५० रुपये झाले आहेत. १० तोळ्याचे दर २,५०० रुपयांनी घसरले असून सध्या १२,२७,५०० रुपयांवर विकले जात आहे.

चांदीलाही उतरती कळा (Silver Rate Today)

चांदीचे दर गेल्या अनेक दिवसांपासून सातत्याने वाढत आहे. काल चांदीचे दर इतिहासात पहिल्यांदाच २ लाखांपेक्षा जास्त होते. आता या दरात ६००० रुपयांनी घट झाली आहे. चांदीचे दर काल २,०४,००० रुपये होते. हेच दर आज १,९८,००० रुपये झाले आहेत.

सोने आणि चांदी दोन्हीचेही दर घसरल्याने आज दागिने खरेदी करायची योग्य वेळ असल्याचे म्हणायला हरकत नाही. दरम्यान, हे दर कमी झाले असले तरीही अजून १ लाख ३० हजारांपेक्षा जास्त आहेत. त्यामुळे मध्यमवर्गीयांना हे दर परवडणारे नाहीत. हे दर अजून कमी करण्याची अपेक्षा सर्वसामान्यांना आहे.