सोनं-चांदीच्या दरात गेल्या काही दिवसांपासून चढ-उतार पाहायला मिळत आहेत. अमेरिकेच्या फेडरल रिझर्व्हच्या महिनाअखेरीस होणाऱ्या बैठकीआधी मौल्यवान धातूंवर दबाव कायम आहे. रविवारी सोन्याच्या दरात कोणताही बदल झाला नाही. मात्र, गेल्या आठवड्याच्या विचार केला तर २४ कॅरेट सोन्याच्या दर प्रति १० ग्रॅम तब्बल ३,५०० ने, तर २२ कॅरेट सोनं ३,२०० ने स्वत झालं आहे.

मोठ्या शहरांमध्ये सोन्याचा दर किती?

आज देशातल्या प्रमुख शहरांमध्ये १० ग्रॅम सोन्याचा दर पुढीलप्रमाणे आहेत:

दिल्ली: १८ कॅरेट ₹१,१२,०४०, २२ कॅरेट ₹१,३६,९०० आणि २४ कॅरेट ₹१,४९,३३०

मुंबई: १८ कॅरेट ₹१,११,८९०, २२ कॅरेट ₹१,३६,७५० आणि २४ कॅरेट ₹१,४९,१८०

कोलकाता: १८ कॅरेट ₹१,११,८९०, २२ कॅरेट ₹१,३६,७५० आणि २४ कॅरेट ₹१,४९,१८०

चेन्नई: १८ कॅरेट ₹१,१२,३५०, २२ कॅरेट ₹१,३६,७५० आणि २४ कॅरेट ₹१,४९,१८०

बेंगळुरू: १८ कॅरेट ₹१,११,८९०, २२ कॅरेट ₹१,३६,७५० आणि २४ कॅरेट ₹१,४९,१८०

चांदीचा भाव

चांदीच्या दरातही सलग तिसऱ्या दिवशी कोणताही बदल झालेला नाही. १ ऑक्टोबर रोजी १ किलो चांदीच्या दरात ५,००० रुपयांची घसरण झाली होती. त्यानंतर दर स्थिर आहेत. दिल्ली, मुंबई आणि कोलकात्यात एक किलो चांदीचा भाव २,३५,००० आहे. तर चेन्नईमध्ये चांदी २,४५,००० प्रति किलो दराने विकली जात आहे. त्यामुळे या प्रमुख शहरांमध्ये चेन्नईत चांदी सर्वाधिक महाग आहे.

फेडच्या निर्णयाकडे बाजाराचं लक्ष

आता सोनं-चांदीच्या बाजाराचं लक्ष अमेरिकेच्या फेडरल रिझर्व्हच्या महिनाअखेरीस होणाऱ्या बैठकीकडे लागलं आहे. महागाईचा ताजा डेटा अपेक्षेपेक्षा कमी आल्याने व्याजदर वाढीची शक्यता कमी झाली आहे.