यशाचे उंच शिखर गाठण्यासाठी फक्त मेहनत आणि इच्छाशक्ती महत्त्वाची असते. जर तुमच्यात मेहनत करायची ताकद असेल तर यशस्वी होण्यापासून तुम्हाला कोणीही अडवू शकत नाही. असंच काहीसं ठाकूर अंजली अजय यांच्यासोबत झालं. आर्थिक परिस्थिती बेताची असतानाही आयएएस (IAS) होण्याचे स्वप्न पाहिले आणि ते पूर्ण केले.

ठाकुर अंजली अजय यांनी २०२३ मध्ये यूपीएससी (UPSC Exam) परीक्षा क्रॅक केली. त्यांनी फक्त परीक्षाच क्रॅक केली नाह तर ४३वी रँकदेखील मिळवली. त्यांनी खूप कमी वयात यूपीएससी परीक्षा क्रॅक केली आहे.

अंजली या मूळच्या बिहारच्या. परंतु त्यांचे कुटुंब सूरत येथे राहत होते. त्या लहानपणापासूनच हुशार होत्या. त्यांना अभ्यासाची आवड होती. त्यांचे वडील एलआयसी एजंट होते. अंजली यांच्या वडिलांनी लहानपणीच त्यांनी आवड ओळखली होती. त्यांना समाजसेवा करण्याची आवड होती. त्यामुळेच त्यांनी आयएएस होण्याचे ठरवले.

अंजली या भाड्याच्या घरात राहायच्या. आर्थिक परिस्थिती फार काही बरी नव्हती. अंजली यांचे शिक्षण सरकारी शाळेतून झाले. त्यानंतर त्यांनी नालागढ येथील गवर्नमेंट पोस्ट ग्रॅज्युएशन कॉलेजमधून शिक्षण पूर्ण केले. त्यानंतर त्यांनी यूपीएससी परीक्षा देण्याचा निर्णय घेतला आणि त्यासाठी त्यांनी तयारीदेखील सुरु केली.

अंजली यांना या प्रवासात अनेक अडचणींचा सामना करावा लागला. तरीही त्यांनी हार मानली नाही. त्यांना फक्त यूपीएससी परीक्षा पास करायची नव्हती तर चांगली रँक मिळवून कलेक्टर बनायचे होते. त्यांनी यासाठी खूप प्रयत्न केले. जोपर्यंत आयएएस होणार नाही तोपर्यंत यूपीएससी परीक्षा देईन, असं त्यांनी ठरवलं होतं.

२०२१ मध्ये त्यांनी प्रिलियम्स आणि मेन्स परीक्षा पास केली होती. परंतु त्यांना इंटरव्ह्यूमध्ये यश मिळाले नाही. तरीही त्यांनी हार मानली नाही. त्यांनी २०२२ मध्ये परीक्षा दिली. परंतु यावेळी मिळालेल्या रँकने त्या खूश नव्हत्या. त्यामुळे त्यांनी २०२३ मध्ये पुन्हा यूपीएससी (UPSC) परीक्षा दिली.

भाड्याच्या घरात राहून आईवडिलांचे स्वप्न पूर्ण करण्यासाठी अंजली यांनी खूप मेहनत घेतली. त्यांनी दिवसरात्र एक करुन अभ्यास केला. त्यांना या मेहनतीला यश मिळाले आणि त्या आयएएस झाल्या.