बाजारात स्वस्त इलेक्ट्रिक स्कूटरला मोठी मागणी आहे. या सेगमेंटमध्ये कमी स्पीड 250 W बॅटरी असलेल्या स्कूटर येतात, ज्यांना चालवण्यासाठी कोणत्याही ड्रायव्हिंग लायसन्सची आवश्यकता नसते आणि पोलीस हेल्मेटशिवाय ही स्कूटर चालवल्याबद्दल चालान कापू शकत नाही.
बाजारात जाणं, मुलांना शाळेत सोडणे, इत्यादी घरातील दैनंदिन कामे करण्यासाठी ही बेस्ट स्कूटर आहे. Evolet Pony ही या सेगमेंटची स्कूटर आहे. या स्कूटरची किंमत 55,799 रुपये आहे. एकदा पूर्ण चार्ज केल्यानंतर ही स्कूटर 90 किलोमीटरपर्यंतची रेंज देईल, असा कंपनीचा दावा आहे.
Evolet Pony इलेक्ट्रिक स्कूटरची बॅटरी क्षमता 250 डब्ल्यू इतकी आहे आणि याच्या सीटची उंची 800 मिमी आहे. ज्यामुळे कमी उंचीच्या लोकांसाठी देखील ही स्कूटर चालवणे सोपे होते. मोबाईल चार्ज करण्यासाठी यात USB चार्जिंग पोर्ट देखील देण्यात आला आहे. पोनीमध्ये 48 V/24Ah बॅटरी पॅक आहे. या स्कूटरची टॉप स्पीड 25 किमी प्रतितास आहे.
Pony एक हलक्या वजनाची स्कूटर आहे, तिचे एकूण वजन 76 किलो आहे. ज्यामुळे रस्त्यावर नियंत्रण करणे सोपे होते. या स्कूटरला पूर्ण चार्ज होण्यासाठी चार तास लागतात. यात फास्ट चार्जिंगचा पर्यायही उपलब्ध आहे.
Evolet Pony बाजारात PURE EV EPluto 7G स्कूटरशी स्पर्धा करते. ही स्कूटर 77999 रुपये एक्स-शोरूमच्या प्रांभिक किमतीत उपलब्ध आहे. ही नवीन पिढीची स्कूटर आहे. याचा टॉप स्पीड 47 किमी प्रतितास इतका आहे. याचे वजन 76 किलो आहे आणि 4 तासात पूर्ण चार्ज होते. स्कूटरमध्ये 1200 W ची हाय पॉवर बॅटरी आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.