संघटित क्षेत्रात काम करणाऱ्या प्रत्येक कर्मचाऱ्याचे पीएफ अकाउंट असते. हे अकाउंट ईपीएफओद्वारे चालवले जाते. या खात्यात दर महिन्याला तुमच्या पगारातील काही रक्कम जमा केली जाते. कर्मचारी आणि नियोक्त्याकडून हे पैसे जमा केले जातात. दरम्यान, दर महिन्याला जर पैसे जमा केले नाही तर तुमचे अकाउंट इनअॅक्टिव्ह होऊ शकते.

ईपीएओने आता याबाबत एक महत्त्वाची माहिती दिली आहे. कर्मचाऱ्यांची ५८व्या वर्षी निवृत्ती होते. दरम्यान, निवृत्तीनंतर पीएफ खात्यात दर महिन्याला पैसे जमा केले जात नाही. त्यामुळे तुमचे अकाउंट इनअॅक्टिव्ह होणार का, तुमच्या अकाफंटमधील पैशांचं काय होणार असे अनेक प्रश्न अनेकांना पडलेले असतात.

६१ वर्षापर्यंत मिळणार व्याज

ईपीएफओने दिलेल्या माहितीनुसार, जर तुम्ही ५८ व्या वर्षी रिटायर होत असाल तर तुम्हाला पुढील तीन वर्ष म्हणजे वयाच्या ६१ वर्षापर्यंत व्याज मिळते. हे पैसे तुमच्या खात्यात जमा केले जातात.

६१ व्या वर्षी पैसे काढावे

जर तुम्ही ६१ वर्षानंतरही पैसे ठेवले तर तुमचे खाते निष्क्रिय केले जाईल. यानंतर तुम्हाला व्याज मिळणार नाही. त्यामुळे वयाच्या ६१ वर्षाआधीच पैसे काढावेत.जर तुम्ही हे पैसे काढले नाही तर तुम्हाला आर्थिक नुकसान होऊ शकतात. याबाबत ईपीएफओने सविस्तर व्हिडिओदेखील पोस्ट केला आहे. तुम्ही epfindia.gov.in या वेबसाइटवर जाऊन व्हिडिओ पाहू शकतात.

PF साठी ऑनलाइन क्लेम कसा करायचा?

तुम्ही पीएफसाठी ऑनलाइन क्लेम करु शकतात.

यासाठी तुमचा UAN नंबर सक्रिय असणे गरजेचे आहे. मोबाईल नंबरदेखील सक्रिय असावा.

आधार डिटेल्स सर्वकाही ईपीएफओ डेटाबेसमध्ये असावे.

याचसोबत बँक अकाउंट, आयएफएससी ईपीएफओशी लिंक असणे गरजेचे आहे. यानंतर तुम्हाला अधिकृत वेबसाइटवर जाऊन ऑनलाइन क्लेम करता येणार आहे.