EPFO Scheme Saam Tv
बिझनेस

EPFO News : नोकरदारांसाठी महत्त्वाची बातमी! तुमच्या PF खात्यात पैसे नसले तरीही नॉमिनीला मिळणार ५०,००० रुपये ; जाणून घ्या सविस्तर

EPFO Scheme : नवीन नियमांनुसार, जर एखाद्या कर्मचाऱ्याचा शेवटचा पगार मिळाल्यापासून ६ महिन्यांच्या आत मृत्यू झाला, तरी त्याच्या नामनिर्देशित व्यक्तीला EDLI योजनेचा विमा लाभ मिळेल.

Alisha Khedekar

खात्यात ५०,००० रुपये नसले तरीही किमान ₹५०,००० विमा मिळेल

६० दिवसांचा नोकरीतील ब्रेक अडथळा मानला जाणार नाही.

मृत्यूनंतरही ६ महिन्यांपर्यंत लाभ घेता येईल.

या योजनेचा थेट फायदा कर्मचाऱ्यांच्या कुटुंबियांना मिळणार.

नोकरदारांसाठी आणि त्यांच्या कुटुंबियांसाठी आनंदाची बातमी समोर आली आहे. कर्मचारी भविष्य निर्वाह निधी संघटनेने (EPFO) कर्मचारी ठेवीशी संलग्न विमा योजनेत म्हणजेच (EDLI) मध्ये मोठे बदल केले आहेत. आता या योजनेचा लाभ घेण्यासाठी कोणत्याही कठोर अटी राहणार नसून ज्याचा थेट फायदा लाखो कर्मचाऱ्यांना आणि त्यांच्या कुटुंबियांना होणार आहे. यामुळे विशेषतः ज्या कुटुंबांचे कमावते सदस्य काही कारणास्तव मृत्युमुखी पडतात त्यांच्या कुटुंबियांना दिलासा मिळणार आहे.

किमान विमा रक्कम हमी

केंद्रीय कामगार आणि रोजगार मंत्रालयाने स्पष्ट केले आहे की, जर एखाद्या कर्मचाऱ्याचा नोकरीदरम्यान मृत्यू झाला तर त्याच्या कुटुंबाला किमान ५०,००० रुपयांचा विमा लाभ निश्चितपणे मिळेल. जरी कर्मचाऱ्याच्या पीएफ खात्यात इतकी रक्कम नसली तरीही. पूर्वी खात्यात किमान ५०,००० रुपये जमा करणे आवश्यक होते, तरच विमा लाभ मिळत असे. आता ही अट काढून टाकण्यात आली आहे.

६० दिवसांचा नोकरीतील ब्रेक अडथळा मानला जाणार नाही.

नियमांमधील आणखी एक मोठा बदल म्हणजे जर एखाद्या कर्मचाऱ्याच्या दोन नोकऱ्यांमध्ये जास्तीत जास्त ६० दिवसांचा ब्रेक असेल तर तो नोकरीतील व्यत्यय मानला जाणार नाही. म्हणजेच, १२ महिन्यांच्या सतत सेवेच्या मोजणीत ६० दिवसांपर्यंतच्या अंतराचा कोणताही परिणाम होणार नाही. याचा फायदा अशा कर्मचाऱ्यांना होईल ज्यांनी वेगवेगळ्या कंपन्यांमध्ये काम केले आहे परंतु त्या दरम्यान थोडा ब्रेक झाला आहे.

मृत्यूनंतरही ६ महिन्यांपर्यंत लाभ उपलब्ध असतील

नवीन नियमांनुसार, जर एखाद्या कर्मचाऱ्याचा शेवटचा पगार मिळाल्यापासून ६ महिन्यांच्या आत मृत्यू झाला, तर त्याच्या नामनिर्देशित व्यक्तीलाही EDLI योजनेचा विमा लाभ मिळेल. म्हणजेच, पगारातून पीएफ कपात झाल्यानंतर ६ महिन्यांच्या आत मृत्यू झाला तरीही, नामनिर्देशित व्यक्तीला विम्याचा लाभ मिळेल.

EDLI योजना म्हणजे काय?

कर्मचारी ठेवीशी जोडलेली विमा योजना (EDLI) ही EPFO अंतर्गत चालवली जाते. नोकरी दरम्यान अनपेक्षित मृत्यू झाल्यास संघटित क्षेत्रातील कर्मचाऱ्यांना विमा संरक्षण प्रदान करणे हा त्याचा उद्देश आहे. या योजनेत, कर्मचाऱ्याला त्याच्या खिशातून कोणतेही योगदान द्यावे लागत नाही. मृत्यू झाल्यास, कायदेशीर वारसाला एक रकमी रक्कम मिळते. या योजनेअंतर्गत, अडीच लाख ते सात लाख रुपयांपर्यंतचे विमा संरक्षण दिले जाते.

EDLI योजना म्हणजे काय?

कर्मचारी ठेवीशी जोडलेली विमा योजना (EDLI) ही EPFO अंतर्गत चालवली जाते. ही योजना नोकरीदरम्यान मृत्यू झाल्यास कुटुंबाला आर्थिक मदत देते.

EDLI योजनेत काय नवीन बदल झाले आहेत?

आता खात्यात ५०,००० रुपये नसले तरीही किमान ₹५०,००० विमा मिळेल. शिवाय, नोकरीदरम्यान ६० दिवसांचा ब्रेक मान्य केला जाईल आणि मृत्यूनंतर ६ महिन्यांपर्यंत लाभ मिळेल.

या योजनेचा कोणाला लाभ होतो?

संघटित क्षेत्रातील सर्व EPFO सदस्य कर्मचाऱ्यांना आणि त्यांच्या कुटुंबियांना या योजनेचा लाभ मिळतो.

कर्मचारी स्वतः पैसे भरतो का?

नाही, या योजनेत कर्मचारी स्वतः कोणतेही योगदान देत नाही. संपूर्ण विमा संरक्षण नियोक्त्यांकडून भरले जाते.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra Live News Update: भिवंडीतील नारपोली येथे बालाजी डाईंगला भीषण आग

Anant Chaturdashi 2025 live updates : निरोप घेतो देवा आता आज्ञा असावी..., लाडक्या बाप्पाला आज निरोप

Jio Recharge Plan: ७५ रुपयांचा जिओचा प्रीपेड प्लॅन! २३ दिवसांची वैधता, अतिरिक्त डेटा मोफत अन् बरंच काही...

IPS Anjana Krishna: आई टायपिस्ट, वडील कपडे विकायचे, एकेकाळी डिप्रेशनमध्ये गेल्या, तरी जिद्दीने झाल्या IPS, वाचा अंजना कृष्णा यांचा प्रेरणादायी प्रवास

Saturday Horoscope: आनंदाचा दिवस; अनंत चतुर्दशीच्या दिवशी ६ राशींना होणार धनलाभ, जाणून घ्या तुमचं राशीभविष्य

SCROLL FOR NEXT