केंद्र सरकार कर्मचारी आणि पेन्शनधारकांसाठी महत्त्वाची घोषणा होऊ शकते. आता सरकारी कर्मचाऱ्यांसाठी महागाई भत्त्याची घोषणा होऊ शकते. येत्या एक-दोन आठवड्यात महागाई भत्ता वाढण्याची घोषणा केली जाऊ शकते. दरम्यान, याबाबत अधिकृत माहिती अजून समोर आलेली नाही.

महागाई भत्ता लवकरच वाढणार (DA Hike Announcement)

सरकारी कर्मचाऱ्यांचा महागाई भत्ता वर्षातून दोनदा वाढतो. पहिल्यांदा जानेवारीमध्ये त्यानंतर जूनमध्ये अशा दोन टप्प्यांमध्ये महागाई भत्ता वाढतो. दरम्यान, अजूनही २०२६ जानेवारीच्या महागाई भत्त्याची घोषणा झालेली नाही. त्यामुळे पुढच्या काही दिवसात याबाबत घोषणा होऊ शकते. दरम्यान, घोषणा झाल्यानंतर कर्मचाऱ्यांना त्या महिन्यांचा एरियरदेखील दिला जाईल. त्यामुळे कधीही सरकारी कर्मचाऱ्यांसाठी दिलासादायक बातमी येऊ शकते.

मिडिया रिपोर्टनुसार, सरकार यावेळी महागाई भत्त्यात ३ टक्क्यांनी वाढ करण्याची घोषणा करु शकते. सध्या महागाई भत्ता ५८ टक्के आहे. त्यात ३ टक्क्यांनी वाढ केल्यानंतर महागाई भत्ता ६१ टक्के होईल. याआधी मागच्या वर्षी ऑक्टोबरमध्ये महागाई भत्ता ५५ टक्क्यांवरुन ५८ टक्के केला होता.

पगार किती वाढणार? (Government Employees DA Hike)

महागाई भत्ता हा कर्मचाऱ्यांच्या बेसिक सॅलरीवर अवलंबून असतो. जर तुमची बेसिक सॅलरी ५६,१०० रुपये आहे. तर सध्याच्या महागाई भत्त्यानुसार त्यावर ३२,५३८ रुपये मिळतात. जर हा भत्ता ६१ टक्के झाला तर ३४,२२१ रुपये होईल. म्हणजेच यामध्ये १,६८३ रुपयांची वाढ होईल. याचसोबत जानेवारी फेब्रुवारी आणि मार्च या तीन महिन्यांचा एरियर जोडला जाईल. त्यामुळे कर्मचाऱ्यांना पुढच्या महिन्यात अतिरिक्त ६,७३२ रुपये मिळू शकतात. याचसोबत ट्रान्सपोर्ट अलाउंसदेखी वाढले आणि ग्रॅच्युटीमध्येही वाढ होईल.