बँक खातेधारकांसाठी महत्त्वाची बातमी आहे. बँक खातेधारकांना त्यांच्या अकाउंटमध्ये कमीत कमी पैसे ठेवणे गरजेचे आहे. जर तुमच्या खात्यात तेवढे पैसे नसतील तर तुम्हाला दंड भरावा लागतो. हा दंड वेगवेगळ्या सेव्हिंग अकाउंटवर वेगवेगळी असते.याबाबत काही बँकांनी आता निर्णय घेतला आहे. आता या बँकांनी कमीत कमी बँलेंस ठेवला नाही तरीही कोणताही दंड लागणार नसल्याचे सांगितले आहे.

इंडियन बँक (Indian Bank)

आता इंडियन बँकेने बचत खात्यावरील कमीत कमी बॅलेंस ठेवण्याच्या सर्व अटी रद्द केल्या आहेत. आता तुम्हाला मिनिमम बॅलेंस न ठेवण्यावर कोणताही दंड द्यावा लागणार नाही. ही नवीन सुविधा ७ जुलै २०२५ पासून लागू होणार आहे.

स्टेट बँक ऑफ इंडिया (State Bank Of India)

स्टेट बँकेने याआधीच २०२० मध्ये सेव्हिंग अकाउंटवरील कमीत कमी बॅलेंस ठेवण्याची अट रद्द केली आहे. जर तुम्ही खात्यात कमीत कमी बॅलेंस ठेवले नाही तर तुम्हाला कोणताही दंड भरावा लागत नाही.

कॅनरा बँक (Canara Bank)

मे २०२५ मध्ये कॅनरा बँकेत सेव्हिंग अकाउंट्स, सॅलरी अकाउंट आणि एनआरआय अकाउंटवरील अॅव्हरेज मंथली बॅलेंसची अट रद्द केली आहे.

पंजाब नॅशनल बँक (Punjab National Bank)

आता पंजाब नॅशनल बँकदेखील सेव्हिंग अकाउंटमध्ये किमान बॅलेंस न ठेवल्यावर कोणताही दंड आकारणार नाहीये. याआधी पंजाब नॅशनल बँकेत जर कोणत्याही ग्राहकाने कमीत कमी बॅलेंस ठेवला नाही तर जेवढी रक्कम आहे तेवढ्याचा दंड भरावा लागतो. दरम्यान, आता बॅलेंस कितीही असला तरीही त्यांना दंड भरावा लागणार नाहीये.