महिलांसाठी आनंदाची बातमी आहे. राज्याच्या महिला आणि बालविकास विभागाने तब्बल ९,९०० पदांची भरती जाहीर केली असून यामध्ये अंगणवाडी सेविका, मिनी वर्कर आणि अंगणवाडी तेडागर (सहाय्यक) पदांचा समावेश आहे. देशभरातील महिलांचे व मुलांचे पोषण, आरोग्य आणि शिक्षण यासाठी काम करणाऱ्या अंगणवाडीत ही भरती केवळ रोजगाराची संधी नसून समाजासाठी योगदान देण्याची सुवर्णसंधी मानली जात आहे.

ही भरती फक्त महिलांसाठी खुली असून उमेदवाराने ज्या वॉर्ड किंवा परिसरातील अंगणवाडी केंद्रात पद रिक्त आहे, त्याच वॉर्ड किंवा परिसराचा रहिवासी असणे बंधनकारक आहे. यासाठी वॉर्डचा ताबा प्रमाणपत्र आवश्यक असेल. अंगणवाडी सेविका आणि मिनी वर्करसाठी किमान शैक्षणिक पात्रता १२ वी उत्तीर्ण, तर तेडागर पदासाठी १० वी उत्तीर्ण आवश्यक आहे. सेविका आणि मिनी वर्करसाठी वयोमर्यादा १८ ते ३३ वर्षे असून तेडागर पदासाठी ती ४३ वर्षांपर्यंत ठेवण्यात आली आहे.

मानधनाच्या बाबतीत, सेविका आणि मिनी वर्कर यांना दरमहा १०,००० रुपये, तर तेडागर पदासाठी ५,५०० रुपये मिळतील. निवड प्रक्रियेत कोणतीही लेखी परीक्षा किंवा मुलाखत न घेता उमेदवारांची निवड केवळ शैक्षणिक पात्रता आणि गुणवत्ता यादीवर आधारित केली जाईल. जिल्हास्तरीय निवड समित्या अंतिम यादी तयार करतील आणि प्रसिद्ध करतील.

तुम्ही e-hrms.gujarat.gov.in या अधिकृत वेबसाइटवर जाऊन अर्ज भरु शकता. जिल्हा व प्रभाग निवडल्यानंतर आवश्यक कागदपत्रे जसे की पासपोर्ट फोटो, स्वाक्षरी, शैक्षणिक प्रमाणपत्रे व रहिवासी प्रमाणपत्र स्कॅन करून अपलोड करावी लागतील. अर्ज करण्याची अंतिम तारीख ३० ऑगस्ट २०२५ आहे. उमेदवारांना शेवटच्या क्षणापर्यंत थांबू नये आणि वेळेत अर्ज करण्याचे आवाहन करण्यात आले आहे. तसेच ही भरती गुजरातमध्ये सुरु आहे.