आधार कार्ड हे प्रत्येक भारतीयांसाठी महत्त्वाचे कागदपत्र आहे. अनेकदा आधार कार्डमध्ये काही चुका असतात. त्यामुळे आधार कार्ड अपडेट करावे लागतात. दरम्यान, आता आधार अपडेट करण्यासाठी तुम्हाला आधार सेंटरमध्ये जावे लागणार नाही. तुम्ही घरबसल्या मोबाईलवरुन हे काम करु शकतात. यासाठी UIDAI नवीन अॅप लाँच करण्याच्या तयारीत आहे.

आता तुम्ही घसबसल्या आधार कार्ड अपडेट करु शकणार आहे. यामध्ये तुम्ही पत्ता, फोन नंबर,जन्म ऑनलाइन अपडेट करु शकतात.

टाइम्स ऑफ इंडियानुसार, नवीन सिस्टीममधून तुम्हाला आता आधारची फोटोकॉपी द्यायची गरज नाही. यूआयडीएआयने नवीन अॅप तयार केला आहे. ज्यामध्ये QR कोडच्या माध्यमातून तुम्ही आधार कार्ड किंवा मास्क्ड आधार शेअर करु शकणार आहे. यामुळे तुम्ही इलेक्ट्रॉनिक्स आधार कार्ड शेअर करु शकणार आहात.

नोव्हेंबरमध्ये सुरु होणार अपडेट

नोव्हेंबर २०२५ पर्यंत आधार कार्डमध्ये पत्ता, नाव, बायोमॅट्रिक अपडेट करण्याचे काम घरबसल्या मोबाईलवरुन होणार आहे. नवीन टेक्नोलॉजीमुळे तुम्ही जन्म प्रमाणपत्र, मॅट्रिक सर्टिफिकेट, ड्रायव्हिंग लायसन्स, पासपोर्ट, पॅन याबाबतदेखील माहिती मिळवू शकतात. याचसोबत वीजेचं बिलदेखील या नवीन सिस्टीममध्ये जोडण्याच्या तयारीत आहे.यामुळे अनेक कामे सोपे होणार आहेत.

नवीन अॅप कसं असणार?

हे QR कोड बेस्‍ड अॅप खूप फायदेशीर असणार आहे. तुम्हाला अॅप टू अॅप आधार ट्रान्सफर करण्याची परवानगी देईल. यामुळे तुम्हाला हॉटेलमध्ये चेक इन, ट्रेनमध्ये ऑथेंटिकेशनसाठी या अॅपचा फायदा होणार आहे. यामुळे तुमची अनेक कामे सोपी होणार आहेत. अवघ्या काही मिनिटांत तुम्ही आधार कार्ड अपडेट करु शकणार आहात.