प्रत्येक भारतीय नागरिकासाठी आधार कार्ड हे महत्त्वाचे कागदपत्र आहे. सर्व सरकारी कामांसाठी, बँकेच्या काही कामांसाठी आधार कार्ड हे गरजेचे असते. आधार कार्ड हे दर दहा वर्षांनी अपडेट करावे लागते. जर तुम्ही अपडेट केले नाही तर तुम्हाला अडचण येऊ शकते. (Aadhaar Card Update)

तुमच्या आधार कार्डवर नाव, पत्ता आणि तुमची माहिती असते. भारतीय ओळख प्राधिकरण विभाग तुमचे आधार कार्ड तयार करते. जर तुम्हाला आधार कार्ड अपडेट करायचे असेल तर UIDAI च्या अधिकृत वेबसाइटवरुन करु शकतात. तुम्ही आधार कार्डवरील नावदेखील बदलू शकतात.

आधार कार्डवर अनेकदा चुकीची माहिती असते. काही वेळाला तुमचे नाव चुकलेले असते. त्यामुळे तुम्हाला भविष्यात अनेक अडचणी येऊ शकतात. परंतु तुम्ही फक्त एका कागदपत्राच्या आधारे नाव बदलू शकतात. (Aadhaar Card Update Process)

पॅन कार्ड, पासपोर्ट, रेशन कार्ड, वोटर आयडी, ड्रायव्हिंग लायसन्स,नरेगा कार्ड, सरकारी ओळखपत्र, फोटो, ईपीएफओ ओळखपत्र, यूआयडीएआय स्टँडर्ड सर्टिफिकेट फॉर्मॅटद्वारे दिलेले ओळखपत्र, बँक पासबुक, शाळेतील सर्टिफिकेट, स्कूल ट्रान्सफर सर्टिफिकेट, वीमा योजनाचे कागदपत्रे, जन आधार कार्ड, दिव्यांग प्रमाणपत्र, किसान कार्ड या कागदपत्रांच्या आधारे तुम्ही आधार कार्डवरील नाव बदलू शकतात.

तुम्ही ऑनलाइन पद्धतीने आधार कार्डवरील नाव बदलू शकतात. यासाठी तुम्हाला UIDAI च्या अधिकृत वेबसाइटवर जाऊन नाव बदलावे लागेल. त्यासाठी तुम्हाला वेबसाइटवर ऑप्शन येईल. तुम्हाला माहिती भरावी लागेल. त्यानंतर ७ दिवसांच्या आत तुमचे आधार कार्ड अपडेट होईल.तुम्ही १४ डिसेंबरपर्यंत मोफत आधार कार्ड अपडेट करु शकतात.