आठव्या वेतन आयोगाबाबत कर्मचाऱ्यांच्या मनात अनेक प्रश्न निर्माण झाले आहेत. आठवा वेतन आयोग लागू तर झाला आहे पण पगारवाढ कधी येणार, पगारवाढ किती येणार, एरियर किती मिळणार असे अनेक प्रश्न सरकारी कर्मचाऱ्यांच्या मनात निर्माण झाला आहे. दरम्यान, आता आठवा वेतन आयोग लागू होण्याबाबत महत्त्वाची अपडेट समोर आली आहे.

आठवा वेतन आयोग कधी लागू होणार? (8th Pay Commission Implementation Date)

ऑल इंडिया एनपीएस एम्प्लॉय फेडरेशनचे राष्ट्रीय अध्यक्ष डॉ. मंजीत सिंह पटेल यांच्या मते, आयोगाच्या शिफारसी १ जानेवारी २०२६ पासून लागू होऊ शकतात. कर्मचाऱ्यांना पगारवाढ २०२७ पासून मिळण्याची शक्यता आहे. त्यामुळे कर्मचाऱ्यांना १२ महिन्याचा एरियर मिळू शकतो.

आठव्या वेतन आयोगासाठी समिती स्थापन करण्यात आली आहे. या समितीला शिफारसी सादर करण्यासाठी १८ महिन्यांचा वेळ दिला आहे. २०२५ मध्ये ही समिती स्थापन झाली आहे. त्यामुळे शिफारसी सादर झाल्यानंतर आणि केंद्र सरकारची मंजुरी मिळाल्यानंतर पगारवाढ दिली जाईल. यासाठी जवळपास वर्षभराचा तरी वेळ जाईल.

आठव्या वेतन आयोगात कोणाला मिळणार किती एरियर? (8th Pay Commision Arears)

आठव्या वेतन आयोगात ग्रुप ए अधिकाऱ्यांना १२ ते १५ लाख रुपयापर्यंतचा एरियर मिळू शकतो. ग्रुप बी कर्मचाऱ्यांना ७-९ लाखांचा एरियर मिळू शकतो. ग्रुप सी कर्मचाऱ्यांसाठी ५-६ लाखांचा एरियर मिळू शकतो. ग्रुप डी पदांसाठी ४ लाख रुपयांचा एरियर मिळू शकतो.

फिटमेंट फॅक्टर किती असणार आहे त्यावर पगारवाढ आणि एरियर अवलंबून असणार आहे. दरम्यान फिटमेंट फॅक्टर २.८६ ते ३.० मध्ये असण्याची शक्यता आहे. म्हणजेच तुमचा सध्याचा पगार २.९ पटीने वाढू शकतो.