सरकारी कर्मचारी आणि पेन्शनधारक आठव्या वेतन आयोगाची वाट पाहत आहेत. आठवा वेतन आयोग कधीपासून लागू होणार असा प्रश्न कर्मचारी विचारत आहेत. आठवा वेतन आयोग हा १ जानेवारी २०२६ पासून लागू झाला असला तरीही प्रत्यक्ष पगारवाढ कधी येणार, याकडे सर्वांचेच लक्ष आहे. याबाबत २०२६च्या शेवटी कंवा २०२७ पर्यंत निर्णय होऊ शकतो.

एरियर किती मिळणार?

आठव्या वेतन आयोगासाठी शिफारसी सादर करण्यासाठी १८ महिन्यांचा वेळ दिला आहे. नोव्हेंबरपासून या शिफारसींसाठी काम करण्यास सुरुवात झाली आहे. दरम्यान,अजून शिफारसी लागू होण्यासाठी खूप दिवस लागू शकतात. त्यामुळे या कालावधीचा कर्मचाऱ्यांना एरियर मिळणार आहे. कर्मचाऱ्यांना १८ ते २४ महिन्यांचा एरियर मिळू शकतात. त्यामुळे या कालावधीतील वाढीव पगार कर्मचाऱ्यांना एकत्र मिळणार आहे. त्यामुळे कर्मचाऱ्यांना १५ लाखांपर्यंतचा एरियर मिळू शकतो.

ज्या कर्मचाऱ्यांची बेसिक सॅलरी ५०००० रुपये आहे. त्यांना १५ लाखांपर्यंत एरियर मिळू शकतो. वेगवेगळ्या लेव्हलसाठी बेसिक सॅलरी वेगवेगळी आहेत. त्यामुळे त्याच स्वरुपात पगारवाढ केली जाईल आणि त्याच बेसिक सॅलरीवर आधारित एरियर मिळणार आहे. कर्मचाऱ्यांना जर २० महिन्यांचा एरियर मिळाला तर अनेक कर्मचाऱ्यांना लाखो रुपये मिळू शकतात.

फिटमेंट फॅक्टर किती असणार? (8th Pay Commission Fitment Factor)

आठव्या वेतन आयोगात फिटमेंट फॅक्टर किती असणार याकडे सर्वांचेच लक्ष लागले आहे. सातव्या वेतन आयोगात फिटमेंट फॅत्टर २.५७ होता.आठव्या वेतन आयोगासाठी ३.० ते ४.३५ फिटमेंट फॅक्टर असू शकतो. महागाईमुळे फिटमेंट फॅक्टर वाढवण्याची मागणी केली जात आहे. यामुळे कर्मचाऱ्यांचा पगार चांगला वाढू शकतो.