मागील काही दिवसांपासून केंद्रीय कर्मचाऱ्यांमध्ये आठव्या वेतन आयोगाच्या जोरदार चर्चा सुरु आहे. ही वेतन वाढ फिटमेंट फॅक्टरवर अवलंबून असते. त्यामुळे आता सगळ्यांचं लक्ष पगार वाढीकडे आहे. पण ही पगारवाढ नेमकी किती असेल? असा सध्याचा प्रश्न आहे. पुढील माहितीत आपण याबद्दल जाणून घेणार आहोत.

मुळात फिटमेंट फॅक्टर हा महागाई भत्त्यावर अवलंबून असतो. जेव्हा महागाई वाढते तेव्हा फिटमेंट फॅक्टर वाढतो. फिटमेंट फॅक्टर म्हणजे गुणक (Multiplier) असतो. त्याच्या मदतीने कर्मचाऱ्यांची बेसिक सॅलेरीही नवीन सॅलरीमध्ये रुपांतरीत केली जाते. याचा फॉर्मूला तुम्ही समजून घेतलात तर तुम्हाला पगाराचा अंदाज बांधता येऊ शकतो.

फिटमेंट फॅक्टरचे सुत्र

नवीन बेसिक सॅलेरी (Fitment Factor) = मुळ वेतन (Existing Basic Pay) × फिटमेंट फॅक्टर (Revised Basic Pay​)

आता हे सुत्र कसं काम करतं हे समजून घ्या. फिटमेंट फॅक्टर जेव्हा वाढतो, तेव्हा कर्मचाऱ्यांच्या पगारात वाढ होते. पेन्शन, वेतनवाढ आणि थकबाकीमध्ये सुद्धा वाढ होते. म्हणजेत सातव्या वेतन आयोगात २.५७ फिटमेंट फॅक्टर होता. यामध्ये कमीत कमी बेसिक सॅलेरी ही ७,००० रुपयांपासून ते १८,००० रुपयांपर्यंत होती. म्हणजेच सुत्रानुसार ७,००० × २.५७ = १८००० असं हे गणित आहे.

सध्या आठव्या वेतन आयोगाचा फिटमेंट फॅक्टर किती असेल हे समजलेले नाही. पण या सुत्रानुसार अंदाजे २.२८ ते ३.८३ फिटमेंट फॅक्टर असू शकतो. पण अद्याप कोणतीही अधिकृत माहिती समोर आली नाही.