केंद्र सरकारच्या कर्मचाऱ्यांची चांदी होण्याची शक्यता आहे. गेल्या काही दिवसांपासून ८ व्या वेतन आयोगाच्या चर्चा सुरु आहेत. यातील फिटमेंट फॅक्टरमध्ये वाढ व्हावी यासाठी अनेक विभागातील कर्मचारी आणि पेन्शनधारक मागण्या करत आहेत. कारण फिटमेंट फॅक्टरवर तितका वाढतो तितकी कर्मचाऱ्यांच्या सॅलरीत वाढ होते.

जर सरकारने फिटमेंट फॅक्टर ३.८३ ठरवला तर सरकारी कर्मचाऱ्यांती बेसिक सॅलरी ही १८ हजार रुपयांवरून ६८,९४० रुपये होईल. याने सरकारी कर्मचाऱ्यांची चांदीच होईल. तसेच वाढत्या महागाईत कर्मचाऱ्यांना मोठी मदतही मिळेल.

सातव्या वेतन आयोगात फिटमेंट फॅक्टर २.५७ इतकी वाढ केली होती. तेव्हा सरकारी कर्मचाऱ्यांची बेसिक सॅलरी ही ७००० रुपयांनी वाढवून १८, ००० करण्यात आली होती. आता आठव्या वेतन आयोगाकडे सर्वांचं लक्ष आहे. याबाबत कोणतीही माहिती समोर आलेली नाही. पण कर्मचारी संघटना फिटमेंट फॅक्टर वाढवण्याची मोठ्या प्रमाणात मागणी करत आहेत.

विविध कर्मचारी संघटना आणि तज्ञांनी वेगवेगळ्या फिटमेंट फॅक्टरची मागणी केली आहे. तज्ञांच्या अंदाजानुसार फिटमेंट फॅक्टर १.९२ आहे. तर ऑल इंडिया ट्रेड युनियन काँग्रेसने (AITUC) ३.०० फिटमेंट फॅक्टर करावा अशी मागणी केली आहे. फेडरेशन ऑफ नॅशनल पोस्टल ऑर्गनायझेशन्सने (FNPO) ३.२५ फिटमेंट फॅक्टर वाढण्याची मागणी केली आहे.

जम्मू आणि काश्मीर एम्प्लॉईज फोरमने ३.०५ फिटमेंट फॅक्टर करावा अशी मागणी केली आहे. नॅशनल कौन्सिल-जॉइंट कन्सल्टेटिव्ह मशिनरीनुसार (NC-JCM) फिटमेंट फॅक्टर ३.८३ वाढवावा अशी मागणी केली आहे. तज्ज्ञांच्या मते, अंदाजे इतका फिटमेंट फॅक्टर वाढू शकतो. जेव्हा फिटमेंट फॅक्टमध्ये वाढ होईल तेव्हा बेसिक सॅलेरीतही वाढ होईल. याचसह तुमचा घरभाडं भत्ता, वाहतूक भत्ता आणि महागाई भत्त्यातही वाढ होईल.