आठव्या वेतन आयोगात सरकारी कर्मचाऱ्यांना पगारवाढ कधी मिळणार असा प्रश्न विचारला जात आहे. आठव्या वेतन आयोगात पगारदेखील कितीने वाढणार असाही प्रश्न अनेकांना पडला आहे. दरम्यान, पगारवाढ लागू होण्यास अजून काही वेळ आहे. केंद्रीय कर्मचाऱ्यांना शिफारसी लागू होण्याची प्रतिक्षा आहे. शिफारसी लागू झाल्यानंतर कर्मचाऱ्यांचा पगार वाढणार आहे. या शिफारसी लागू होण्यासाठी १८ ते २० महिन्यांचा वेळ लागणार आहे.

आठव्या वेतन आयोगात पगारवाढ ही फिटमेंट फॅक्टरवर अवलंबून असते. फिटमेंट फॅक्टर किती असणार असा प्रश्न अनेकांना पडला आहे.

पगार कितीने वाढणार? (8th Pay Commission Salary Hike)

कर्मचारी संघटनांनी फिटमेंट फॅक्टर २.८६ ते ३.२५ पर्यंत ठेवण्याची मागणी केली आहे. जर फिटमेंट फॅक्ट ३.२५ निश्चित झाला तर कर्मचाऱ्यांच्या पगारात चांगलीच वाढ होणार आहे. बेसिक सॅलरी १८,००० रुपयांवरुन ५८,५०० रुपयांपर्यंत जाऊ शकते. सातव्या वेतन आयोगात फिटमेंट फॅक्टर २.५७ लागू होता तेव्हा पगार ७,००० रुपयांवरुन १८,००० रुपये झाला होता.

आठव्या वेतन आयोगासाठी सरकारने वेबसाइट सुरु केली आहे. https://8cpc.gov.in/ या वेबसाइटवर तुम्हाला सर्व अपडेट मिळणार आहे. याचसोबत कर्मचारी काही सूचनादेखील देऊ शकतात. यामुळे लाखो केंद्रीय कर्मचारी आणि पेन्शनधारकांना दिलासा मिळेल. दरम्यान, कर्मचाऱ्यांना प्रत्यक्ष पगारवाढ मिळण्यासाठी दीड वर्षांचा कालावधी लागू शकतो. त्यामुळे कर्मचाऱ्यांना अजून बरेच दिवस वाट पाहावी लागणार आहे. फिटमेंट फॅक्टर किती लागू होणार त्यावर कर्मचाऱ्यांचा पगार किती वाढणार हे अवलंबून असणार आहे.