अर्थमंत्री निर्मला सीतारामन यांनी आज मंगळवारी संसदेत अर्थसंकल्प सादर केला. या अर्थसंकल्पातून त्यांनी सर्वसामान्यांपासून नोकरदार, करदाते तसेच शेतकऱ्यांसाठी अनेक महत्वाच्या घोषणा केल्या. याशिवाय अर्थमंत्र्यांनी अनेक विविध क्षेत्रासाठी वाढीव तरतूद देखील जाहीर केली. तसेच रोजगार निर्मितीसाठी अनेक योजना सादर केल्या.

या योजनेमुळे देशाच्या विकासाला आणखीच चालना मिळणार असल्याचं त्यांनी सांगितलं.  अर्थसंकल्प मांडताना (Union Budget 2024) सर्वप्रथम अर्थमंत्री सीतारामन यांनी मोदींना तिसऱ्यांदा पंतप्रधानपदी निवडून दिल्याबद्दल देशवासीयांचे आभार मानले.

गरीब, महिला, युवा आणि शेतकरी या ४ समाज घटकांवर केंद्र सरकारचे विशेष लक्ष असेल, असंही सीतारामन यांनी सांगितलं. दरम्यान, अर्थसंकल्प सादर करताना निर्मला सीतारामन यांनी कोणकोणत्या मोठ्या घोषणा (Budget 2024 Announcement) केल्या? जाणून घेऊयात...

अर्थसंकल्पातील १० महत्वाच्या घोषणा कोणत्या?

• पंतप्रधान इंटर्नशिप योजनेअंतर्गत तरुणांना 5,000 रुपये मासिक भत्ता मिळणार

• पीएम आवास योजना-शहरी 2.0 अंतर्गत, 1 कोटी कुटुंबांना घरे दिली जाणार.

• शहरी घरांसाठी परवडणाऱ्या दरात कर्ज देण्यासाठी सरकार व्याज अनुदान योजना आणणार.

• पगार 1 लाख रुपयांपेक्षा कमी असल्यास, प्रथमच EPFO ​​मध्ये नोंदणी करणाऱ्यांना 15,000 रुपयांची मदत मिळणार.

• विद्यार्थ्यांना शिक्षणासाठी तब्बल १० लाखांपर्यंतचे कर्ज उपलब्ध करून दिले जाणार.

• शेतकरी, युवक, महिला, गरीब यांच्या विकासासाठी विविध योजनांच्या राबवल्या जाणार.

• महिला आणि मुलींना लाभ देणाऱ्या योजनांसाठी सरकारने 3 लाख कोटी रुपयांहून अधिकची तरतूद केली.

• भाजीपाला उत्पादन आणि पुरवठा साखळीसाठी अधिक एफपीओ तयार केले जाणार. शेतजमिनी आणि शेतकऱ्यांच्या नोंदी डिजिटल करण्यावर भर दिला जाईल.

• हवामान अनुकूल बियाणे विकसित करण्यासाठी सरकार खाजगी क्षेत्र, तज्ञ आणि इतरांना अधिकचा निधी दिला जाणार.