नवी दिल्ली : अर्थमंत्री निर्मला सीतारामन यांनी मोदी सरकारच्या तिसऱ्या टर्मचा पहिला अर्थसंकल्प सादर केला. या अर्थसंकल्पात शेतकरी, तरुण आणि महिलांवर लक्ष केंद्रीत करण्यात आलं. रोजगारांपासून शेतीपर्यंत मुद्द्यांवर विशेष भर देण्यात आला. यादरम्यान, अर्थमंत्री निर्मला सीतारामन यांनी अर्थसंकल्पीय भाषणात युवकांसाठी मोठी घोषणा केली. तसेच त्यांनी यावेळी १ कोटी तरुणांसाठी मोठी खूशखबरी दिली.

अर्थसंकल्पीय भाषणात निर्मला सीतारामन यांनी देशाच्या टॉप कंपन्यांमध्ये युवकांना ट्रेनिंग दिली जाईल. या ट्रेनिंगदरम्यान, युवकांना ५००० रुपये मासिक भत्ता दिला जाणार आहे. हा मासिक भत्ता प्रधानमंत्री इंटर्नशिप योजनेअंतर्गत १२ महिन्यांसाठी असणार आहे. तरुणांना १२ महिन्यांपर्यंत तरुणांना इंटर्नशिपचा फायदा घेता येता येणार आहे. या योजनेअंतर्गत देशातील टॉप कंपन्यांकडून पुढील पाच वर्षांत १ कोटी तरुणांना ट्रेनिंग दिली जाणार आहे.

१२ महिन्यांसाठी असणार ट्रेनिंग

प्रधानमंत्री इंटर्नशिप योजना फक्त १२ महिन्यांसाठी असणार आहे. या योजनेअंतर्गत तरुणांना सरकारकडून ५००० रुपये मानधन मिळणार आहे. या योजनेचा कोणताही युवक लाभ घेऊ शकतो. या योजनेमुळे १ कोटी युवांना लाभ मिळणार आहे.

दरम्यान, अर्थमंत्री निर्मला सीतारामन यांनी टॅक्स स्लॅबमध्ये बदल केले आहेत. वर्षाला १५ लाख रुपयांची कमाई करणाऱ्यांना २० टक्के टॅक्स भरावा लागणार आहे. तर याहून अधिक कमाई करणाऱ्यांना ३० टक्के टॅक्स भरावा लागणार आहे. तसेच सरकारने स्टॅडर्ड डिडक्शन देखील वाढवलं आहे. आता स्टॅडर्ड डिडक्शनला ५० हजार वार्षिकच्या ऐवजी ७५००० रुपये वार्षिक करण्यात आली आहे.

या सत्ताधारी नेत्यांनी बजेटला पाठिंबा दर्शवला आहे. अनेकांनी अर्थमंत्री निर्मला सीतारामन यांचं अभिनंदन केलं आहे. तर विरोधकांनी अर्थसंकल्पावरून सत्ताधाऱ्यांवर टीका केली आहे.