Siddhi Hande
विदर्भाची स्पेशल पुडाची वडी तुम्ही कधी खाल्लीये का? पुडाच्या वडीला सांबार वडीदेखील म्हणतात.
बेसन, मैदा, तेल, ओवा, हळद, मीठ, चिरलेली कोथिंबीर, सुके किसलेले खोबरे,भाजक्या डाळीचे कूट, खसखस, तीळ, धने-बडीशेप, आलं लसूण पेस्ट, गूळ, मीठ
सर्वात आधी तुम्हाला एका परातीत बेसन आणि मैदा घ्यायचा आहे. त्यात थोडं मोहन टाकून मिक्स करा.
यामध्ये ओवा टाका.पिठात पाणी टाकून ते मळून घ्या. हे पीठ १५-२० मिनिटे झाकून ठेवा.
सारण बनवण्यासाठी एका पॅनमध्ये तेल गरम करा. त्यात मोहरी टाका. यात आलं लसूण पेस्ट, तीळ आणि खसखस छान परतून घ्या.
यामध्ये किसलेले खोबरे, भाजलेल्या डाळींचा कूट आणि मसाले परतून घ्या.यामध्ये बारीक चिरलेली ३-४ वाटी कोथिंबीर टाकावी.
शेवटी गूळ-चिंच घालून सारण छान मिक्स करा. हे सारण सुके असावे.
यानंतर पीठाची गोल पुरी लाटावी. त्यात मध्यभागी सारण भरावे.
यानंतर चौकोनी आकारात डुमडून ध्यावे. कडा बंद करण्यासाठी पीठ वापरु शकतात.
यानंतर तुम्ही तेलात या वड्या गोल्डन ब्राउन होईपर्यंत तळून घ्या.