Manasvi Choudhary
अस्सल पारंपारिक रेसिपी चवीला भारी असतात. लसूण डाळ तडका खाण्याची मज्जा वेगळीच असते. अनेकजण ढाब्यावर जाऊन ही रेसिपी टेस्ट करतात.
लसूणी डाळ तडका रेसिपी तुम्ही घरच्या घरी सोप्या पद्धतीने बनवू शकता.
लसूणी डाळ तडका बनवण्यासाठी तुरीची डाळ, मुगाची डाळ, हळद, हिंग, तेल, कांदा, टोमॅटो, आले- लसूण पेस्ट, हिरवी मिरची, तूप, लसूण पाकळ्या, सुकी लाल मिरची, कश्मिरी मिरची, जिरे, कोथिंबीर हे साहित्य एकत्र करा.
सर्वातआधी तुरीची आणि मुगाची डाळ स्वच्छ धुवून गॅसवर कुकरमध्ये शिजवून घ्या. शिजवताना डाळीमध्ये हिंग घाला.
गॅसवर दुसऱ्या बाजूला कढईमध्ये गरम तेलामध्ये जिरे आणि मोहरी याची फोडणी द्या नंतर त्यात बारीक चिरलेला कांदा, आले - लसूण पेस्ट आणि हिरव्या मिरच्या घाला.
मिश्रणात टोमॅटो मऊ होईपर्यंत शिजवून घ्या नंतर यात हळद आणि चवीनुसार मीठ घाला.
शिजवलेली डाळ या संपूर्ण मिश्रणात घाला मिश्रणात गरम पाणी घालून चांगली उकळी येऊ द्या.
नंतर एका छोट्या भांड्यात डाळीला तडका देण्यासाठी साजूक तूप घ्या त्यात जिरे आणि बारीक चिरलेला लसूण टाका.
नंतर गॅस बंद करा आणि त्यात सुक्या लाल मिरच्या आणि कश्मीरी लाल तिखट टाका अशाप्रकारे गरमा गरम लसूणी डाळ तडका तयार होईल.