मुंबई: अर्थसंकल्पात केंद्र सरकारकडून शेतकऱ्यांना मोठं गिफ्ट देण्यात आलंय. अर्थमंत्री निर्मला सीतारामन यांनी मोठी घोषणा केलीय. शेतकरी आणि कृषी क्षेत्रासाठी अर्थसंकल्पात १.५२ लाख कोटी रुपयांची तरतूद करण्यात आली आहे. या निधीतून कृषी आणि संबंधित क्षेत्रासाठी योजना तयार करण्यात येणार आहेत. आपण याबाबत सविस्तर जाणून घेवू या.

अर्थसंकल्पात शेतकऱ्यांसाठी काय?

अर्थमंत्री निर्मला सीतारामन यांनी आज (Budget) कृषी क्षेत्रातील उत्पादकता आणि लवचिकता वाढविण्यासाठी योजनेची घोषणा केलीय. सीतारामन यांनी, कृषी आणि संलग्न क्षेत्रासाठी १.५२ लाख कोटींची घोषणा केलीय. त्यांनी सांगितलं की, सरकार देशात राष्ट्रीय सहकार धोरण आणणार आहे. त्यासोबतच भाज्यांचे उत्पादन वाढवण्यासाठी क्लस्टर योजना देखील (Finance Minister Nirmala Sitharaman) आणणार आहे.

केंद्र सरकारकडून शेतकऱ्यांना मोठं गिफ्ट

अर्थसंकल्पात शेतकरी आणि कृषी क्षेत्रासाठी १.५२ लाख कोटी रुपयांची तरतूद करण्यात आलीय. या निधीमधून कृषी आणि संबंधित क्षेत्रासाठी योजना तयार करण्यात येणार असल्याचं अर्थमंत्री निर्मला सीतारामन यांनी सांगितलं (Provision In Budget For Farmers And Agriculture Sector) आहे. ३२ पिकांसाठी १०९ जाती लाँच करणार आहेत. तर कृषी क्षेत्राच्या विकासाला प्रथम प्राधान्य येणार असल्याचं सीतारामन अर्थसंकल्पात मांडलं आहे.

नैसर्गिक शेती वाढवण्यावर भर

नैसर्गिक शेती वाढवण्यावर भर देण्यात येणार असल्याची माहिती मिळतेय. हा अर्थसंकल्प गरीब, महिला, तरुण आणि शेतकरी यांच्यावर केंद्रित आहे. अर्थमंत्री निर्मला सीतारामन आज मोदी सरकारच्या तिसऱ्या कार्यकाळासाठी अर्थसंकल्प सादर करत (Union Budget 2024) आहेत. भारताची अर्थव्यवस्था वेगाने वाढत असून महागाई नियंत्रणात असल्याचं त्यांनी सांगितलं आहे.