गुरुवारपासून सुरू झालेली पुण्यातील सार्वजनिक गणपती मंडळाची विसर्जन मिरवणूक अजूनही सुरुच आहे. तास उलटून गेले तरी देखील गणपती बाप्पाचं विसर्जन झालेलं नाही. सध्या सार्वजनिक गणपती मंडळाची मिरवणूक अलका टॉकीजच्या पुढे ढकलण्यात आली आहे.

मिरवणूक लवकरात लवकर संपवा, असे आवाहन पुणे पोलीस गणपती मंडळांना करीत आहेत. माहितीनुसार, पुण्यात अद्यापही ७० ते ८० गणेश मंडळांकडून बाप्पाचं विसर्जन होणे बाकी आहे. संपूर्ण विसर्जन मिरवणूक संपायला अजून १.५० तास लागण्याची शक्यता आहे.

लालबागचा राजाच्या विसर्जनाची तयारी झाली असून बाप्पा तराफ्यावरुन समुद्राच्या दिशेने निघाला आहे. कोळी बांधवांच्या होड्यांनी तराफ्याला समुद्रात नेलं जात आहे. गणरायाला शेवटचा निरोप देण्यासाठी हजारो गणेशभक्तांनी गिरगाव चौपाटीवर गर्दी केली आहे. १० दिवस बाप्पाची आराधना केल्यानंतर शेवटचा निरोप देताना भाविकांना अश्रू अनावर झाले आहेत.

मुंबईतील प्रसिद्ध गणपती लालबागचा राजाचे विसर्जन लांबण्याची शक्यता आहे. लालबागच्या राजाचं गिरगाव चौपाटीवर आगमन झालं आहे. मात्र, समुद्राला ओहोटी आल्याने विसर्जनाला विलंब होणार असून ९ वाजता विसर्जन केलं जाणार असल्याची माहिती मिळत आहे.

दरम्यान, मुंबईचे पालकमंत्री दिपक केसरकर देखील गिरगाव चौपाटी येथे दाखल झाले आहेत. बाप्पाला निरोप देण्यासाठी भाविकांनी मोठी गर्दी केली आहे. थोड्याच वेळात लालबागच्या राजाची उत्तर आरती होईल आणि त्यानंतर लाखो भाविकांच्या उपस्थितीत बाप्पाचे विसर्जन केले जाणार आहे.

मुंबईत गुरुवारी निघालेली गणपती बाप्पाची विसर्जन मिरवणूक शुक्रवारी सकाळी सुद्धा सुरू असल्याचं पाहायला मिळत आहे. प्रसिद्ध गणपती लालबागचा राजाचे विसर्जन होणे बाकी असून गिरगाव चौपाटीवर राजाचं आगमन झालं असून बाप्पाला निरोप देण्यासाठी भाविकांनी मोठी गर्दी केली आहे.

गिरगाव चौपाटी येथे पोहचल्यानंतर लालबागच्या राजाची उत्तर आरती होईल आणि त्यानंतर लाखो भाविकांच्या उपस्थितीत बाप्पाचे विसर्जन केले जाणार आहे. मुंबईचे पालकमंत्री दिपक केसरकर देखील गिरगाव चौपाटी येथे दाखल झाले आहेत.

पुण्यात गणेश विसर्जनाची धामधूम पाहायला मिळत आहे. गेल्या २१ तासांपासून पुण्यात सार्वजनिक गणेश मंडळांची विसर्जन मिरवणूक सुरू आहे. सकाळी ६ वाजताच डीजेच्या दणदणाटावर पुण्यातील तरुणाईनी ठेका धरला आहे. शहरातील लक्ष्मी रस्ता, कुमठेकर रस्ता, टिळक रस्त्यावरून अद्याप ही गणपती मंडळांच्या मोठ्या रांगा लागल्या आहेत. पुण्यात गुरुवारी सकाळी १० वाजता विसर्जन मिरवणुकीला सुरुवात झाली होती. रात्रभर सुरु असलेल्या या मिरवणुकीत मानाच्या आणि प्रमुख मंडळांच्या गणपती बाप्पाचे विसर्जन पूर्ण

मनमाड शहरात यंदा अनेक सार्वजनिक गणेश मंडळांनी देखाव्यांना फाटा देत सर्वच मंडळांनी २o फुटा पेक्षा जास्त उंचीच्या गणेश मुर्तींची स्थापना केली होती. आज संध्याकाळी वाजत गाजत या गणेश मंडळांनी मिरवणूका काढल्या. त्यानंतर गणेश कुंडावर विसर्जन करताना या मोठ्या गणेशमुर्तीला क्रेनच्या साहय्याने विसर्जन करण्याची वेळ नगर पालिकेला आली. जवळपास २५ पेक्षा जास्त मंडळांनी यावेळी २० फुटा पेक्षा जास्त उंचीच्या गणेशाची स्थापना केली होती.

राज्यभर गणेश विसर्जनाच्या उत्साह असताना गुहागरमध्ये धक्कादायक घटना घडली आहे. गुहागरमध्ये गणेश विसर्जनाच्या मिरवणुकीत ब्रेक फेल टेम्पो घुसल्याची घटना घडली आहे. या विसर्जन मिरवणुकीमध्ये झालेला 15 जण जखमी झाले तर यामध्ये दोघांना मृत्यू झाला आहे.

दिपक भुवड आणि कोमल भुवड अशी मृत झालेल्या दोघाची नावे आहेत. गुहागर तालुक्यातील पाचेरी आगर येथे गणेश विसर्जन मिरवणुकीदरम्यान ही दुर्घटना घडली आहे. चालकाचा ताबा सुटून टेम्पो भाविकांच्या गर्दीत घुसला. त्यामुळे ही मोठी दुर्घटना घडली आहे.

मानाच्या गणपतींची मिरवणूक तब्बल ९ तासांपेक्षा अधिक काळ चालली आहे. ढोल ताशा पथक आणि पारंपरिक पद्धतीने ५ ही मानाच्या गणरायाला निरोप दिला आहे.

मानाचा पहिला कसबा गणपती विसर्जन वेळ: ४ वाजून ३६ मिन

मानाचा दुसरा तांबडी जोगेश्वरी विसर्जन वेळ: ५ वाजून १२ मिन

मानाचा तिसरा गुरुजी तालीम विसर्जन वेळ: ५ वाजून ५३ मिन

मानाचा चौथा तुळशीबाग विसर्जन वेळ: ६ वाजून ३२ मिन

मानाचा पाचवा केसरी वाडा विसर्जन वेळ: ६ वाजून ५९ मिन

पुण्यातील सर्व मानाच्या गणपतींचं विसर्जन झालं आहे. पुण्यातील पाचवा केसरीवाडा येथील गणपतीच्या मिरवणुकीला आठ तास लागले.

पुणे जिल्ह्यातील इंदापूरमध्ये गणेश विसर्जनाचा जल्लोष सुरू असून वाजत गाजत गणपती बाप्पाला निरोप दिला जातोय. पारंपारिक वाद्याच्या गजरात आनंददायी वातावरणात गणपती बाप्पाला निरोप दिला जातोय. विशेष म्हणजे गणपती बाप्पाला निरोप दिला जात असताना वरून राजाने देखील हजेरी लावली आहे. पावसात नाचत चिंब भिजवून कार्यकर्ते मिरवणुकीमध्ये सहभागी होत आहेत.

पुण्यातील विसर्जन मिरवणुकीत आता डी जे "धिंगाणा" सुरू झालाय. संध्याकाळ होताच डीजेचा दणदणाट पाहायला मिळतोय. पुण्यातील बाजीराव रोड, टिळक रोड, कुमठेकर रोडवर डीजेवर तरुणाई बेधुंद झालीये. पुणे शहरातील विविध मंडळांकडून संध्याकाळी विसर्जन मिरवणुकीसाठी डीजे लावण्यात आलाय. डीजेच्या तालावर तरुणाई थिरकायला सुरूवात झाली आहे.

आज अनंत चतुर्दशीच्या निमित्ताने मुंबईत गणपती विसर्जन सुरू आहे. गणपती विसर्जन स्थळावर मोठ्या प्रमाणावर गर्दी होत असते. याच गर्दीवर नियंत्रण मिळवण्यासाठी मुंबई पोलिसांकडून मोठ्या प्रमाणावर बंदोबस्त देखील ठेवण्यात आला आहे. मुंबईतील गिरगाव, जुहू, दादर आणि वर्सोवा या प्रमुख चौपाट्यांवर विसर्जन होत आहे. मुंबईच्या जुहू समुद्र किनाऱ्यावरील पोलीस बंदोबस्त आणि सुरक्षा व्यवस्थेचा मुंबई पोलीस आयुक्त विवेक फणसाळकर यांनी आढावा घेतला. यावेळी त्यांनी पोलिसांना सुरक्षा बंदोबस्त कुठेही कमी पडता कामा नये अशा सूचना देखील केल्या.

यवतमाळच्या दारव्हा तालुक्यातील बोरी अरब ईथे गणपती विसर्जनादरम्यान एक दुर्दैवी घटना घडली आहे. यवतमाळमधील अडाण नदीत पडून एका युवकाचा मृत्यू झाल्याची घटना घडली आहे. हितेश पंचबुद्धे असं या तरुणाचं नाव आहे.

मानाचा पहिला गणपती श्री कसबा मंडळाच्या गणपतीचे ४. ३७ वाजता विसर्जन झाले आहे. मानाचा दुसरा गणपती श्री तांबडी जोगेश्वरी गणेशोत्सव मंडळाच्या गणपतीचे विसर्जन ५.११ वाजता झाले.

यंदा पहिल्यांदाच दगडुशेठ गणपतीची मिरवणूक दुपारी ४ वाजता निघाली.

पुण्यात पावसाची संतधार सुरूच आहे. गणेश विसर्जनावेळी मुसळधार पावसाने हजेरी लावली आहे. मात्र भाविकांमध्ये उत्साह आणि आनंद कायम आहे. विसर्जन मिरवणूक पाहण्यासाठी मोठी गर्दी जमलीये.

आज सर्वत्र श्री गणेशाच्या विसर्जनाची लगबग सुरू आहे. मात्र लातूर महानगरपालिकेने गणेशाच्या विसर्जनासाठी पर्यावरण पूरक उपक्रम राबवलाय. प्रदूषण मुक्त आणि प्रदूषण टाळण्यासाठी लातूर शहरात बाप्पाच्या मूर्तीचे इतर कुठेही पाण्यात विसर्जन न करता महापालिकेच्या वतीने शहरात 15 ठिकाणी मूर्ती संकलन स्टॉल उभा करण्यात आले आहेत. संकलन केलेल्या मूर्ती एकत्र विसर्जित करण्यात येणार आहेत.

श्रीमंत दगडूशेठ हलवाई सार्वजनिक गणपतीची विसर्जन मिरवणूक थाटात निघाली. विसर्जनाच्या रथाला आकर्षक विद्युतरोषणाई करण्यात आली होती.

पुण्यातील मानाचा पहिला गणपती कसबा गणपती अलका चौकात आला आहे. सकाळी १० वाजता कसबा गणपतीची मिरवणूक निघाली होती. अलका चौकात मानाच्या पहिल्या गणपतीचे स्वागत करण्यासाठी भव्य रांगोळी काढण्यात आली.

पुण्यातील मानाचे पाचही गणपती मार्गस्थ झाले आहेत. इतर मंडळाचे गणपती देखील आता विसर्जन मिरवणुकीत सहभागी होत आहे. आपल्या लाडल्या बाप्पाला निरोप देण्यासाठी पुणेकरांनी मोठ्या प्रमाणात गर्दी केली आहे.

नाशिकमध्ये ११ वाजेपर्यंत ४७६१ गणेश मूर्तींचे विसर्जन, नाशिक महापालिकेची माहिती. सर्वाधिक मूर्ती संकलन नाशिकच्या पंचवटीमध्ये. पंचवटीत एकूण ३१२४ मूर्तींचे संकलन. प्रदूषणमुक्त गोदावरी ठेवण्यासाठी नागरिकांची मूर्ती संकलन केंद्राला पसंती.

'लालबागचा राजा'च्या विसर्जन मिरवणुकीला सुरुवात, भक्तांची मोठी गर्दी. गणपतीवर जागोजागी हार आणि फुलांची उधळण.

छत्रपती संभाजीनगर संस्थान गणपतीच्या विसर्जन मिरवणुकीला सुरुवात होत आहे. केंद्रीय मंत्री भागवत कराड, गृहनिर्माण मंत्री अतुल सावे, पालकमंत्री संदिपान भुमरे, विधान परिषदेचे विरोधी पक्षनेते अंबादास दानवे, आमदार संजय शिरसाट यांच्यासह सर्व पक्ष नेते रथ ओढत आहेत.

नंदुरबार जिल्ह्यात 217 सार्वजनिक गणेश मंडळाचे तर अनेक खाजगी गणेश मंडळाच्या बाप्पाला आज निरोप दिला जाणारा असून, प्रशासनाच्या वतीने तयारी पूर्ण करण्यात आली आहे. ग्रामीण भागात सकाळपासूनच विसर्जन मिरवणुकींना सुरुवात झाली आहे.

कोल्हापुरात गणेश विसर्जन मिरवणुकीला सुरुवात. तुकाराम माळी तालीम मंडळाच्या बाप्पाच्या मिरवणुकीने या विसर्जन मिरवणुकीला सुरुवात.

कसबा गणपती पालखीत विराजमान. काहीच क्षणात कसबा गणपतीची पालखी निघणार. पुण्यातील मंडई येथे असलेल्या टिळक पुतळ्यापासून होणार मुख्य मिरवणुकीला सुरुवात.

कोल्हापुरातील मानाचा तुकाराम माळी तालीम मंडळाचा गणपती मिरवणूक मार्गावर आला. जिल्हाधिकारी आणि इतर मान्यवरांच्या हस्ते मिरवणुकीला काही वेळात सुरुवात होणार आहे.

पुण्यात विसर्जन मिरवणुकीसाठी पोलिसांचा बारीक लक्ष. सीसीटीव्ही नियंत्रण कक्षातून मिरवणुकीवर ‘वॉच’. पुण्यात आज ९ हजार पोलिस बंदोबस्तासाठी तैनात. प्रमुख मिरवणूक मार्गांवर २०५ सीसीटीव्ही. पोलीस आयुक्तालय आणि विश्रामबाग पोलिस ठाण्यातील सीसीटीव्ही नियंत्रण कक्षातून संशयितांच्या हालचालींवर लक्ष.

कसबा गणपतीच्या उत्तर पूजेला सुरुवात. कसबा गणपती मंडळाचे अध्यक्ष श्रीकांत शेटे उपस्थितीत. उत्तर पूजा झाल्यानंतर कसबा गणपती ची होणार आरती

राष्ट्रीय कला अकादमीकडून कसबा गणपती बाप्पाच्या बाहेर पायगड्या आणि रांगोळी काढण्यात आली असून हे पाहण्यासाठी भाविकांनी देखील गर्दी केलेली आहे. गेला 25 वर्षांपासून राष्ट्रीय कला अकादमी कडून पुण्यातील मानाच्या गणपती समोर पायघड्या आणि रांगोळ्या काढल्या जातात.