मनोज जयस्वाल 

वाशिम : शेतात ठेवलेले साहित्य देखील आता सुरक्षित राहिलेले नाही. याचा प्रत्यय वाशिमच्या भापुर गावाच्या (Washim) शेत शिवारात आला आहे. शेतात पिकांना पाणी देण्यासाठी लावलेल्या स्प्रिंकलर तोट्या चोरून नेल्याचे समोर आले आहे. यात (Farmer) शेतकऱ्यांचे नुकसान झाले आहे. (Latest Marathi News)

वाशीम जिल्ह्यातील भापुरच्या शेतकऱ्यांनी त्यांच्या शेतात (Wheat) गहू, हरभरा पिकांची आहे. या पिकांच्या सिंचनासाठी स्प्रिंकलर पाईप आणि तोट्या बसविल्या आहेत. त्यातील २०० हुन अधिक तांब्याच्या तोट्या चोरट्यांनी रात्रीच्या सुमारास चोरून नेल्या. या (Theft) चोरीमुळे शेतकऱ्यांमध्ये भीती पसरली असून वारंवार होणाऱ्या स्प्रिंकलर तोट्या चोरीमुळे शेतकऱ्यांचे आर्थिक नुकसान होत असून शेती सिंचनाचा प्रश्न ही त्यांच्यासमोर निर्माण झाला आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सव्वालाखाचे नुकसान 

भापूरच्या शेतशिवारातून १२ शेतकऱ्यांच्या १ लाख २० हजार किंमतीच्या दोनशेहून अधिक तांब्याच्या स्प्रिंकलर तोट्या चोरुन नेल्याची घटना रात्रीच्या दरम्यान घडली आहे. सकाळी हा प्रकार लक्षात आल्यानंतर शेतकऱ्यांनी पोलिसात तक्रार दिली आहे. यामुळे आता या स्प्रिंकलर तोट्या चोरणाऱ्यांना पकडण्याचे आव्हान रिसोड पोलिसांसमोर आहे.