चेतन व्यास 
वर्धा : वर्धा जिल्ह्यातील कारंजा (घाडगे) तालुक्यातील अनेक गावांना गुरुवारी रात्री वादळ, गारपीट, अवकाळी (Wardha) पावसाचा जबर तडाखा बसला आहे. यात संत्रा बागांचे मोठ्या प्रमाणात नुकसान झाले असून या अचानक आलेल्या संकटामुळे शेतकरी (Farmer) हवालदील झाला आहे. (Live Marathi News)

हवामान खात्याने वर्तविलेल्या अंदाजानुसार वर्धा जिल्ह्याच्या कारंजा तालुक्यात गुरुवारी संध्याकाळच्या सुमारास पावसासह (Rain) गारपीट झाली. या गारपीटीमुळे शेतीपिकांसह भाजीपाला पिकांचेही नुकसान झाले आहे. मागील आठवड्यात सलग दोन दिवस जिल्ह्याच्या देवळी, आर्वी, हिंगणघाट, समुद्रपूर तालुक्यात गारपीट होत नुकसान झाले होते. तर आता कारंजा तालुक्यातही गारपीटीने नुकसान केले आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

शेतकऱ्याच्या संकटात भर 

जोरदार वारा असल्यामुळे संत्र्याची झाडे उन्मळून जमीनदोस्त झाली आहेत. तर काही ठिकाणी शेतकऱ्यांच्या शेतातील संत्रा गळून पडल्या आहेत. मोठ्या प्रमाणात संत्रा गळल्याने जमिनीवर संत्रा फळांचा जणू काही सडाच पडला आहे. नुकसानीमुळे शेतकरी हवालदिल झाले आहे. शासनाने नुकसानीची मदत देण्याची मागणी करण्यात येत आहे.